Winterswijk

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Winterswijk in Gelderland

Winterswijk (Achterhooks: Wenters of Wenterswiek) is e versteidelek dörp en 'n gemeinte in de Nederlandse provincie Gelderland, in d'n Achterhook, tege de grens mèt Duitsland (Noordrien-Wesfale), mèt 'n oppervlak vaan 138,80 km² (daovaan 0,55 km² water) en (per 1 april 2011) 29.014 inwoeners. Binne de gemeinte Winterswijk ligke nog de naobersjappe Brinkheurne, Corle, Henxel, Huppel, Ratum, Kotten, Meddo (intösse e dörp), Miste en Woold.

Historie

Winterswijk weurt in de elfde iew veur 't iers geneump es kerspel in 'n lies vaan bezittinge vaan 't Sint-Mauritsstif in Münster. Winterswijk waor dus toen al e kèrkdörp. Oondanks zien aofgelege ligking góng tijdens de Reformatie zjus Winterswijk op 't calvinisme euver. In de negentiende iew kaom hei, zjus wie in Twente, de textielindustrie op.

Gebore in Winterswijk

• Gerrit Komrij, diechter
• Willem van Otterlo, componis

Externe link

• Website vaan de gemeinte