Geusseltpark

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Geusseltpark is 'n gebeed in 't noorde vaan Mestreech, en ligk in 't Vrouweveld en gedeiltelek in Amby. 't Park ligk kortbij d'n A2. Wijer gief 't dao stadion De Geusselt, 't voetbalstadion vaan MVV, e sportterrein, 'ne groete vijver en 't Kestiel De Geusselt. 't Gebeed boe-in 't park ligk zal in d'n touwkoms väöl verandere. 't Gebeed weurt oontwikkelt es woen- en wèrkgebeed. Zoe zalle 'r e nui zwumbad, 't United World College en woeninge koume. Ouch d'n A2 zal verandere; d'r geit 'ne tunnel koume en daobij gief 't nuie greunstrook (Greune Luiper) en 'n verbinding nao de landgeujerzone. 't Moot 'n veurnaomelek greun gebeed goon weure.