't Wittevrouweveld

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan 't Wittevrouweveld

't Wittevrouweveld, wat 'ne tied laank officieel Oostermaas hètde, is 'n wiek in Mestreech. Ze ligk direk ten ooste vaan d'n otoweeg N2, ten noorde vaan de wiek Sjaan, en ten zuie vaan de wiek Amie. Aon de noord-oosteleke rand vaan de wiek ligk oonder andere 't stadion vaan voetbalvereiniging MVV, geneump De Geusselt.

De wiek steit, same mèt Lummel, Nazareth en Wiekerpoort op de lies vaan Ella Vogelaar, de minister vaan Woene, wieke en integratie, 'n lies vaan 40 Nederlandse probleemwieke.

Naom

De naom vaan dees wiek is meugelek 'n verwiezing nao 't kloester vaan de Norbertinesse, wat ouch wel 't Wittevrouwekloester woort geneump, nao de kleur aan de habiet vaan de nonne.