Eyldergaard

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Eyldergaard is 'n klein nuibouwwiek in 't zuidooste vaan Mestreech. Officieel is ze oonderdeil vaan de wiek Hier. Ze ligk ingeklemp tôsse de A2 in 't weste en de Rieksweeg nao Groonsveld in 't ooste. In 't zuie grens de wiek aon De Heeg; in 't noorde aon de Zuid-Molukse wiek vaan Hier en 't Hoes Eyll, boe Eyldergaard häöre naom aon oontliend.

't Gief gein veurzieininge in de wiek die veural oet eingezinswoeninge besteit. Ze is gebouwd eind jaore tachteg vaan de veurege iew. De straotnaome, die eindege op -gaard - nao de fruitbuimgeerd die hei stoonte - verwieze nao aw plaotsaonduidinge.