Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Vanoet d'n hoof Nekum ziech op wiengood Apostelhoof in Neerkan bij Mestreech

Hoeve Nekum is 'n boerebezit van oongeveer 60 hectare in 't Jekerdal, gelege tösse de zuidgrens vaan de stad Mestreech en 't Vlaoms dörpke Kanne, boe allewijl 'n wiengood is gevestig. De wiegerde zien gelege op de zuieleke en zuidoosteleke hellinge vaan de Louwberg, tegeneuver de wiegerde vaan de Apostelhoeve. De hoof woort veur 't iers geneump in 'n grensbeschrijving vaan 't graofschap Vroenhove in 1304, mer de typisch Limburgse kestielechtige boerderij is groetendeils gebouwd roond 1600.

Na ieuwelaank in bezit vaan de adelleke femilie Bonhomme te zien gewees kaom Hoeve Nekum in de negetiende ieuw in bezit vaan 'n kloesterorde. In 1988 woort door de huidege bewoeners, de gebroeders Bollen, 'n wiegerd aongelag. Daomèt is Nekum nao z'ne euverbuur De Apostelhoeve 't op ein nao ajdste functionerende wiengood in Nederland. In 1990 woort voor 't iers wien gemaak. Allewijl weurt 'n oppervlak vaan 3 hectare gebruuk.

De boojem vaan de wiegerde besteit oet 'ne oondergroond vaan grind en melger, boe-euver 'n dun laog löss ligk. Door de kalkrieke boojem heet de wien 'ne typisch frisse, mineralege en fruitige smaak.

In Hoeve Nekum weurt witte wien gemaak mèt de droeverasse rivaner, auxerrois en riesling, en roeje mèt de pinot noir.

Link bewirk

 
Gemeinte Mestreech
 
Stad: Mestreech
Veurmaolege dörper: Amie · Hare · Hier · Heugem · Ittere · Lummel · Sjaan · Sint Pieter · Wiek · Wolder
Buurtsjappe en stadswieke: Aajd Kaberg · Annadal · Beatrixhave · Belfort · Belvédère · Biesland · Binnestad · Boschpoort · Bosscherveld · Boschstraotkerteer · Brusselse Poort · Campagne · Daalhof · De Heeg · De Karosseer · De Ravelijn · De Vogelzaank · De Zjeramiek · Dousberg-Haozendans · Eyldergaard · Fróntekerteer · Geusseltpark · Heugemerveld · Hoeve Nekum · Jekerdal · Jekerkerteer · Kaberg · Kestiel Neercanne · Kommelkerteer · Laonekerveld · Malberg · Malpertuis · Mariaberg · Mariënwaard · Meerssenhoven · Nazareth · Potteberg · Randwiek · Sint Maartenspoort · Statekerteer · Villapark · Vroendaal · Wiekerpoort · 't Wittevrouweveld
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hoeve_Nekum&oldid=340535"