Alphons Boosten

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Alphons Boosten (Mestreech, 20 januari 1893 - 2 januari 1951) waor 'ne architek, zoon van 'ne drökker. Boosten ies vertegenwoordiger van 't nuuj boewe en functioneel boewe. Hae sjteit ónder invlood van Frank Lloyd Wright, Le Corbusier en Berlage. Zónder truuk te valle in neo-sjtiele griep 'r toch af en toe truuk op klassiekersj in de historie. Zien ièrsjte opvallende projek ies de boew van de parochiekèrk van de patersj van 't Heilig Hart in Mestreech, miè bekènd es de Koepelkèrk. Tege de traditie van de Katholieke kèrkboew maak hae 'n radicaal óntwerp. 't Geboew weurt opgetrokke van beton en iezer en krieg 't uterlik van 'ne moskee. Vanwege kritiek weure de minarette (teurentsjes) op de heuk neet opgetrokke. Later zal Boosten nog 20 kèrke óntwerpe, woavan d'rsj 18 in Limburg liegke. Zien sjpecialiteit liek dèks in 't gebruuk van markante elemente: tores, daakeuversteke, erkersj, daakkapelle en sjouwe.

In de 30 jaor dat 'r es architek wèrk, óntwörp 'r neve kèrke diverse kloastersj, sjoale, winkele, weuninge en villa's. De indeilinge maak hae zoa functioneel, dat ze tot op de daag van vandaag mèt klein aanpassinge te gebruke zint.

Hae veurt restauraties oet o.m. aan de kathedraal van de heilige Christoffel in Remung nao de Twiède Waereldoorlog. Hae óntwörp ouch 't decor van de Passiesjpele in Tegele.

Boosten wèrk same mèt de Limburgse kunstenaersj Charles Eyck, Henri Jonas, Daan Wildschut en Charles Vos en ies in 1948 eine van de mètopriechtersj van de Jan van Eyck-academie in Mestreech. Ziene zoon Theo Boosten ies ouch architect.

Werk

Sint-Jozefkèrk in Brokem

Hubertuskèrk in Groat Genhout

Koepelkèrk in Mestreech in samewèrking mèt Jos Ritzen (ca 1920)
Sint Angelasjoal in Sjaan (Scharn) (1922)
Villa in Nuienhage (Lankgraaf)
Sint Joep (Jozef)kèrk in Sjtein
1929 Kèrk in Blerhei (Kirchroa)
Hubertuskèrk in Groat Genhout
Amanduskèrk in Zwevegem (Belsj)
Kèrk in Bunnik
Kèrk op Hekseberg in Heerle
Kèrk in Kaereshei in Sjtein
Kèrk in Baoksem in de gemeinte Heitse (Heythuysen)
Kèrk in Haors (gemeinte Haors aan de Maas)
Kèrk in De Melderse (gemeinte Haors aan de Maas)
Kèrk in Grevors (gemeinte Haors aan de Maas)
Kèrk in Maasbrach
Sint Jozefkèrk in Brokem (1933)
Villa in Sjènne
Woonwiek Langeberg-Venweg in Broensem (Brunssum)
Villa van 't sjrieversjechpaar Marie Koenen en Felix Rutten in Gäöl (Geulle)

Externe link

Commons: Alphons Boosten – Media gerelateerd aan dit óngerwerp