Dit artikel is gesjreve (of begós) in 't Grevorsters. Laes hie wie v'r mit de versjillende saorte Limburgs ómgaon.


Grevors (Grubbenvorst)
Gewaeze gemeinte in Nederlandj

{{{locatie}}}

Gevörmp veur 1144/1755
Opgehaeve 2001
Opgegange in Haors aan de Maas
Provincie Nederlands Limburg
Hoofplaats Grevors
Opperflaakde (bie opluffing) 43,65[1][2] km²
– daovan water: 0,73 km²
Inwoeners (kort veur opluffing) ca. 7000
deechde: ?/km²
Lies van börgemeisters
Ruwiéne vân 't Gebraoke Slôt
Kerk

Grevors (Nederlands: Grubbenvorst) is en dörp in de Nederlands-Limburgse gemeinte Haors aan de Maas. 't Leet aan de weskant vân de Maas, taegeneuver Velde. In november 2013 hâj 't 4.859 inwoëners; en daormeij is 't de twiënao groëtste kern vân Hors aan de Maas.

't Dörp hoot oorspronkelik allein Vors(t); Grubbe waas de naam vân 't beejliggende kastiél. Nôw is dit de rewiéne 't Gebroake Slôt. De oorsprong vân heerlikheid en dörp gaon truuk tot de vroege Middeliéwe en geschreve brônne euver de oorsprong ontbraeke. Me is dân ok op argiéjologisch werk aangeweeze, wât beejveurbiëld haet aangetoënd dât vuer de parochiekerk oét 1415 in Grubbevors al zeker zes andere kèrke hebbe gestaon.

De heerlikheid Grubbe woort in 1311 door Reinoud vân Gelder gekoch. In iërste instansie reikde ze vân Árse tot en met Venlo (toen nog en dörp). Grubbevors waar veur de helft in de hand vân de hiére vân Grubbe; dit deurde tot in 1755 de markies vân Gebrook ok de res vân 'dörp opkoch.

Nao 1815 woort Grubbevors en gemeinte, waor ok 't dörp Lottum beej huurde. In 1944 woort beej gevechte de kerk vân 't dörp verwoest, die de reste vân zes andere kerke (zeen baove) bloëtgelag. De huidige, achste, kerk stamt oët 1952 en woort ôntworpe door Alphons Boosten. In 2001 woort de gemeinte Grubbevors opgeheeve en beej Hors aan de Maas ingedeild.


De volgende sectie van dit artikel is gesjreve in 't Mofers.

In 2008 koom emes mit 't idee óm Grubbevórs eweg te doon óm d'n agrarische sector, mit name d'n haofboewindustrie, t'n goje te doon. 't Is nag neet dudelik of dit wuuertj oetgeveurdj.[3]

Historische inwoeënertalle bewirk

De bevolking van Grevors is euver 't algemieën gestieëdig gegreujd, al waas 't neet ummer zoeë hel wie 't provinciaal gemiddelde. Vanaaf 1960 greujt 't dörp tot 'n saort veurstad van Venlo oet.

Jaor Aantal Greuj (gans Limburg)
1830 1.170[4] --
1840 1.268[5] +8,4% (+5,6%)
1849 1.378[6] +8,7% (+4,3%)
1859 1.353[7] -1,8% (+4,4%)
1869 1.398[8] +3,3% (+4,5%)
1879 1.567[9] +12,1% (+7,0%)
1889 1.790[10] +14,2% (+6,8%)
1899 1.673[11] -6,5% (+10,2%)
Jaor Aantal Greuj (gans Limburg)
1909 1.750[12] +4,6% (+17,8%)
1920 2.349[2] +34,2% (+32,6%)
1930 2.667[13] +13,5% (+25,1%)
1947 3.349[14] +25,6% (+24,2%)
1956 3.782[15] +12,9% (+27,3%)
1960 3.985[1] +5,4% (+7,4%)
1971 5.445[16] +36,6% (+13,9%)
Opmerkinge
  • Tot de gemeinte Grevors huuerde ouk 't dörp Lottem.
  • In 1971 wiere de inwoeënertalle op ganse vieftalle aafgerónd.
Rillatief óntwikkeling van 1830 wies 1971

(v1830=100)

Greun: Gemieënte Grevors Blauw: Provincie Limburg

Recènter bevólkingsontwikkeling bewirk

2006: 4.700

2013: 4.859

Waope bewirk


De volgende sectie van dit artikel is gesjreve in 't Mestreechs.

Grevors kraog op 3 september 1931 vaan d'n Hoege Raod vaan Adel e waope touwgekind, wat ziech zoe liet umsjrieve:

Gedeild: I. in lazuur (blauw) 'ne verhoegden dweersbalk vaan goud (geel), vergezèld vaan 'n zèspuntege staar vaan 'tzelfde in de rechterbovehook; II. in keel (roed) 'ne sjuinslinks gestèlde (mèt de bovekant wiezend nao heraldisch links, veur de beziener rechs) baars vaan zèlver (wit), vergezèld vaan bove vaan e kruus vaan goud. Achter 't sjèld stoonde en mèt de linkerhand drop steunend de figuur vaan d'n H. Johannes d'n Duiper, gekleid in kemelshaor en mèt 'ne lere gordel um de lendene, alles vaan natuurleke kleur, dragend op de rechtererm e zèlvere laam, en hawwend in de linkerhand 'nen houte kruusstaaf vaan natuurleke kleur, boe-aon oonder 't kruus 'ne wimpel vaan zèlver is bevesteg.

't Ierste deil (d'n dweersbalk mèt de staar) is 't femiliewaope vaan 't geslach Van Millen, de ierste bekinde hiere vaan Grevors. 't Aander deil is vaan de femilie Van Baersdonck, die later, vaanaof ind veertienden iew, hiere vaan Grevors waore. E zegel mèt de gecombineerde waopes is al oet 1547 bekind. Sint-Jan, de parochieheilege, is pas bij de verliening vaan 't waope touwgeveug. Vaan Lottem, tot 1755 'n zelfstendege hierlekheid mèt 'n eige waope (e sjèld mèt nege keuk), is niks trök te vinde.[17]

Rifferenties bewirk

  1. 1,0 1,1 Volkstèlling 1960 - Bevolking van gemeintes en óngerdeile van gemeintes
  2. 2,0 2,1 Volkstèlling 1920 - Plaatselike indeiling
  3. Radio-oetzenjing L1
  4. Volkstèlling 1830
  5. Volkstèlling 1840 - Limburg
  6. Volkstèlling 1849 - Hertogdóm Limbörg: gemeintesgewies indeiling van de provincie
  7. Volkstèlling 1859 - Plaatselike indeiling
  8. Volkstèlling 1869 - Feitelike of getèlde bevolking in eder gemeinte van 't riek
  9. Volkstèlling 1879 - Limburg: plaatselike indeiling
  10. Volkstèlling 1889 - Limburg
  11. Volkstèlling 1899 - Limburg
  12. Volkstèlling 1909 - Plaatselike indeiling
  13. Volkstèlling 1930 - Plaatselike indeiling
  14. Volkstèlling 1947 - Plaatselike indeiling
  15. Woeëningtèlling 1956 - Veurnaamste gegaeves per gemeinte
  16. Volkstèlling 1971 - Plaatselike indeiling
  17. Heraldry of the World - Grubbenvorst
 
Gemeinte Haors aan de Maas
 
Dörper, gehuchte en buurtsjappe:

Amerika · Brokeze · Grevors · Griendsveen · Haegelsem · Haors · Lottem · De Kroeënenberg · De Melderse · Mieëldere · De Mieëterik · Tiendere · Vaors · Zwolge

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Grevors&oldid=464094"