Äöpen houfmenu

Dit artikel is gesjreve (of begós) in 't Nuienhaags. Laes hie wie v'r mit de versjillende saorte Limburgs ómgaon.


De ligking van Aud-Nuienhage in de geminte Lankgraaf.

Nuijenhage (Nederlands: Nieuwenhagen) woar sinds miensjegedinke ee dörp in de sjieëpebank va Heële. Och de parochiekirk sjtóng i Heële. Dus vuuël luuj oeët Nuijehage zint in de Pancratiuskirk va Heele gedeupd, getrouwd en begrave. Nuijenhage haat 'n ege plaatsnaambord in 't dialek.

Sinds 1745 how men ing ege kapel in 't zoegenaamde Sjpaans Kentje, woa men ing kieër in de week noa de Mes kos goa en de kenger de cathechismus koste liere. 'ne Kaplaoën oeët Egelze woa doavuur aagewieëze maar vuur de sacramente bloaf men op Heële aangewieze! Wieter woa opmerkelik dat de kapel nit in de sjieëpebank Heële maar in de sjieëpebank Ubach sjtóng. Want Heële woa Hollendsj en dus protestants en Ubach katholiek.

In 1794, durch de Franzoese, woeët 't ing ege geminte Lankgraaf in Nederlands Limburg. Tot 1982 waor dit 'n zelfsjtendige geminte. D'r naam kump va 'n gebeed, woa-umheen 'n nuuj hègk sjteet.

Kerne: G'n Hei (Nieuwenhagerheide), Ravetsmaar, Voort, Heigank.

Aud-Nuienhage haat 'n inwuuënersaantal va 3.590 luuj (sjtank: 2008) en 'n oppervlakde va 80 hektaar.

Bekangde NuijenhagersBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nuienhage&oldid=403890"