Bundesautobahn 61

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

D'n A61 (ouk: Linksrheinische Autobahn) is ein 333 kilometer lange snelwaeg in de Prusische bóndsstaote Noordrien-Wesfale, Rienland-Palts en ein zier klein stökske Baden-Württemberg. De waeg geit globaal van de stad Venlo in Nederland nao Hockenheim beej Mannheim in 't Zuud-Duutse Baden-Württemberg. Vanaaf Mannheim doot de waeg globaal Ludwigshafen, Worms, Mainz, Koblenz, Remagen, Keule en Gladbaek aan. Saer 4 April 2012 sloet de snelwaeg aan op d'n twieë kilomaeter lange Nederlandse riekswaeg A74, dae vervolges aansloet op de snelwaeg A73. 't Tracé van Kaldekerke tot knouppunt Zaardeheike vormt zoeë 'ne nuje zujelike róndwaeg um Venlo. Daoveur waas de grenseuvergang Schwanenhaus, mit de Keulse Barrière es verlengde van de waeg. D'n A61 góng heej euver in einen twieëstraokse róndwaeg, wao me via de Klagenfurtlaan d'n A67 kós berieke.

Geschiedenis

D'n A61 is veur 'n groeët deil aangeleg in de jaore 1970 van d'n twintigsten ieëw. De ieërste äöpegestelde stökke snelwaeg woorte ópgelaeverd in 1967 tösse de plaetse Stromberg en Bingen in de Palts. Vlot d'r nao woorte stökke waeg äöpegesteld tösse Bingen en Rheinböllen in 1969. 't Letste deil woort geäöpend in 1987 beej de plats Bedburg, kórt beej Keule. 't Trajek van Venlo nao Gladbaek äöpende rónd 1973-1974.

Verloup

Noordrien-Wesfale

D'n autosnelwaeg A61 begint op de grens beej de stad Venlo mit 2X2 riejstraoke. 't Landschap wuuert heej get heuvelechtig. Nao twintig kilometer beriek me de stad Gladbaek. De snelwaeg loup heej t'n weste van de stad, wao me ieërs d'n A52 kruuts van Remund nao Düsseldörp. Zujelik van de stad kruuts me de A46: de snelwaeg van Zittert nao de zujelike stadsdeile van Düsseldörp. Zujeliker geit d'n A61 langs de daagboewmiene van Garzweiler. Heej wuurt broenkaol gewónne. Beej knouppunt Jackerath kruts d'n A44 mit d'n A61. Me kan noe inkel d'n A44 richting Aoke-Luuk op, want d'n A44 tösse Gladbaek en Jackerath woort gesläöp ten behove van de oetbreiding van de daagboewmiene. D'n A61, dae heej min of mier parallel loup aan de veurmaoligen A44, haet heej 2X3 riejstraoke, um 't extra verkier op te kinne vange. Óngevier twintig kilomaeter wiejer kruuts me mit 't Kreuz Kerpen, ein van de wiechtigste knouppunte op 't tracé; heej geit d'n A4 van Keule nao Aoke. D'n A61 loup dan mit 'n groeëten baog um Kölle, d'n A1 veug zich vervolges mit d'n A61 veur ein paar kilomaeter, waonao hae aafsplits in de richting van Euskirchen. D'n A61 geit zujeliker langs Bonn, mit zich op de oetluipers van 't gebergte de Eifel taege de stad Kölle en Bonn: 't Vüürjebirsch.

Rienland-Palts

Nao 't knouppunt Meckenheim volg de grens mit d'n bóndsstaot Rienland-Palts. 't Landschap wuurt heej al dudelik bergachtiger: me kump in de Eifel. D'n A61 in Rienland-Palts kenmerk zich door daalbrögge en de parallelle luip naeve de Rien. De ieërste daalbrök geit euver 't revierke de Ahr beej de stad Bad Neuenahr-Ahrweiler. Veur en nao dees brök, loupe snelwaegaaftakkinge nao Remagen en Bad Sinzig. Kórter beej Koblenz geit de snelwaeg um de groeëte Laacher See hin, 'n maer mit enne vulkanischen oersprong. Kórt daonao beriek me Koblenz, waonao me via de groeëte "Moseltalbrücke" de Moezel euvergeit. Kórt veur de daalbrök zien d'r in bei richtinge rösplatse langs de snelwaeg mit oetzich op 't daal en ein stök van de stad Koblenz. Daonao geit de snelwaeg (wie beej Kölle) mit 'n groeëten baog um Koblenz in 't middelgebergte van de Hunsrück. De vólgende sevetig kilomaeter geit door 'n bergachtig en bósriek gebeed. D'n A61 is heej mer op vief à tieën kilomaeter aafstand van de bereumde Loreley en de bekinde Rienstedsjes Boppard, Sankt Goar en Bacharach. Beej de stad Rheinböllen, wuurt d'n autowaeg B50 verbónde mit d'n A61, dae wiejer nao 't zuje geit. Vlot d'r nao volg 't minder bergachtig en mier heuvelachtig stök door de streik Rheinhessen. Vanaaf heej is 't knouppunt mit d'n A60 richting Mainz. De snelwaeg geit zujeliker in 'n steeds vlaker gebeed richting de staej Ludwigshafen en Mannheim. Kórt veur Ludwigshafen leejt de historische stad Worms. De snelwaeg geit mit 'ne groeëten baog um Mannheim. Vervolges geit hae dan zujelik van Mannheim de Rien euver, waonao me in d'n bóndsstaot Baden-Württemberg kump. Slechs 2500 meter wiejerop eindig de snelwaeg beej ein knouppunt mit d'n A6.

Verkiersintensiteite

D'n A61 beej Gladbaek in de richting van Venlo

De verkiersintensiteite (per etmaal) zeen zujelik van de telpunte beraekend:

Grens mit Nederland 21.900
Kreuz Mönchengladbach 57.200 (mit A52 van Düsseldörp nao Remund)
Kreuz Mönchengadbach-Wanlo 67.000 (mit A46 van Düsseldörp nao Zitterd)
Dreieck Jackerath 37.200 (nao Aoke)
Kreuz Kerpen 43.200 (A4, Kölle-Aoke)
Kreuz Bliesheim 57.100 (A1, Oldenburg in Holstein-Trier)
Kreuz Meckenheim 70.700 (A565, Bonn-Bad Neuenahr-Ahrweiler)
Dreieck Bad Neuenahr-Ahrweiler 59.000 (A573)
Dreieck Sinzig 57.200 (A571)
Kreuz Koblenz 46.300 (A48, Montabaur- Trier)
Dreieck Nahetal 54.400 (A60, Rüsselsheim beej Mainz nao de Belse grens beej Prüm)
Kreuz Alzey 49.000 (A63, Mainz-Kaiserslautern)
Kreuz Frankenthal 69.300 (A6, Tsjechische grens, Franse grens beej Saarbrücken)
Kreuz Ludwigshafen 63.100 (A650)
Kreuz Mutterstadt 46.000 (A64, Mutterstadt-Karlsruhe)
Hockenheim (einde) 51.500 (2010)

Brón: Wegenwiki: Wegenwiki: A61, Wegenwiki: A44 (openstellingsgeschiedenis)

Actueel

D'n A61 en d'n A44 en de geplande oetbreiing van daagboewmien Garzweiler II

De snelwaeg zal t'r huuegte van 't Rheinische Braunkohlrevier ónder Glabbaek verleg waere vanwaege 't aafboewe van 't broenkaol in de daagboewmiene. In 2005 woort d'n A44, de snelwaeg van Aoke nao Kassel, aafgebraoke tösse 't knouppunt Jackerath en de zujelike wieke van de stad Glabbaek. 't Verkier is daodoor noe aafhenkelik van d'n A61 euver ach kilometer. In 2017 is me van plan de hujigen A61 aafgebraoke te höbbe en te vervange door de niejen A44. Oetintelik mótte de bei snelwaeg in 2035 weer zeen opgelaeverd op eur alde trajek.

Wiejer is me op zier langen termien van plan um de ganse snelwaeg te verbraeje van 2X2 nao 2X3 riejstraoke. 't Groeët aantal vrachwages is namelik ein perbleem veur de doorsträöming van 't verkier op d'n A61, al zien de verkiersintensiteite per etmaal lang neet zoeë hoeëg es in Nederland.

Compleet trajekeuverzich

	punt in trajek	aansloeting
(1a)	Grenseuvergang Heidenend/Nederland	A74
1b	Aafslaag Nettetal-West	(Keulse Barrière)
2	Aafslaag Kaldenkirchen	B221
3	Aafslaag Kaldenkirchen-Süd	B221 (richting Brüggen)
4	Aafslaag Breyell (inkel vanoet Venlo)
	Breyeller See
5	Aafslaag Nettetal
6	Aafslaag Süchteln
7	Aafslaag Viersen
8	Aafslaag Mackenstein
	Kreuz Mönchengladbach	A52
9	Aafslaag Mönchengladbach-Nordpark	B230
10	Aafslaag Mönchengladbach-Holt	B57
11	Aafslaag Mönchengladbach-Rheydt
12	Aafslaag Mönchengladbach-Wickrath
13	Aafslaag Mönchengladbach-Güdderath
	Niers
	Kreuz Mönchengladbach-Wanlo	A46
14	Aafslaag Mönchengladbach-Wanlo
15	Aafslaag Jackerath
	Dreieck Jackerath	A44
	Rösplats Bedburger Land
16	Aafslaag Bedburg
	Finkelbachtalbrücke (100 maeter)
17	Aafslaag Bergheim	B55, B477
18	Aafslaag Bergheim-Süd
	Kreuz Kerpen	A4
19	Aafslaag Türnich	B264
20	Aafslaag Gymnich-Nörvenich
Vanaaf heej döbbelgenummerd
	Dreieck Erfttal	A1
108	Aafslaag Erftstadt	B265
	Kreuz Bliesheim	A1, B553
Vanaaf heej wier A61
21	Aafslaag Weilerswist
	Rösplats Am blauen Stein (mit wc)
22	Aafslaag Swisttal
23	Aafslaag Miel	B56
	Rösplats Peppenhoven
24	Aafslaag Rheinbach	B266
	Kreuz Meckenheim	A565
	Grens Naordrien-Wesfale - Rienland-Palts
	Rösplats Goldene Meile
	Dreieck Bad Neuenahr-Ahrweiler	A573
	Rösplats Hassel/Mühlenberg
	Talbrücke Bengen (ca. 1.000 maeter)
	Ahrtalbrücke (1.521 maeter)
	Dreieck Sinzig	A571
	Rösplats Höchen/Harterscheid
	Vinxtbachtalbrücke (670 maeter)
25	Aafslaag Niederzissen	B412
	Brohltalbrücke (603 maeter)
	Rösplats Brohltal
26	Aafslaag Wehr	B412
	Laachtalbrücke (300 maeter)
	Rösplats In Dürpel/Thelenberg
27	Aafslaag Mendig	B262
	Rösplats Am Streitgieren/Krufter Ofen
28	Aafslaag Kruft	B256
	Rösplats Hummerich/Pellenz
	Nettebrücke (700 maeter)
29	Aafslaag Plaidt
	Rösplats Im Weidenfeld/Im Singten
	Kreuz Koblenz	A48
30	Aafslaag Koblenz-Metternich	B411
	Rösplats Winningen (Mit oetzich op 't Moezeldaal)
	Moseltalbrücke Winningen (Moezel) (935 maeter)
31	Aafslaag Koblenz/Dieblich	B411
	Rösplats Mosel
32	Aafslaag Koblenz/Waldesch	B327
	Rösplats Neufeld/Mariaroth
33	Aafslaag Boppard
	Rösplats Engelrödchen/Hellerwald
34	Aafslaag Emmelshausen
	Rösplats Marienau/Erzkau
35	Aafslaag Pfalzfeld
36	Aafslaag Laudert
	Rösplats Hundsheide/Struth
	Guldenbachbrücke (200 maeter)
	Kreuz Rheinböllen	B50
	Pfädchensgrabentalbrücke (665 maeter)
	Tiefenbachtalbrücke (365 maeter)
	Rösplats Hunsrück
37	Aafslaag Stromberg
38	Aafslaag Waldlaubersheim
39	Aafslaag Dorsheim
	Rösplats Nahetal/Trollmühle
	Nahetalbrücke (Nahe) (523 maeter)
40	Aafslaag Bingen-Mitte	B50
	Dreieck Nahetal	A60
	Kreuz Bad-Kreuznach
	Rösplats Steingewann (mit wc)
	Rösplats Sitzborn (mit wc)
41	Aafslaag Gau-Bickelheim
	Rösplats Menhir/Wiesbach
42	Aafslaag Bornheim
	Kreuz Alzey	A63
	Talbrücke Alzey (539 maeter)
	Talbrücke Dautenheim (390 maeter)
	Rösplats Hauxberg/Langwiese
43	Aafslaag Gundersheim
	Rösplats Rotenstein/Bergkloster
44	Aafslaag Worms/Mörstadt
	Rösplats Wonnegau
	Talbrücke Pfeddersheim (1.471 maeter)
	Kreuz Worms	B47
	Rösplats Erpelrain/Kurzgewann
	Kreuz Frankenthal	A6
	Rösplats Auf dem Hirschen/Auf dem Hahnen
	Kreuz Ludwigshafen	A650
	Rösplats Bobelach/Sandberg
	Kreuz Mutterstadt	A65
	Rösplats Dannstadt
45	Aafslaag Schifferstadt
	Rösplats Birkenschlag/Nachtweide
	Kreuz Speyer	B9
	Rösplats Spitzenreinhof/Binshof (mit wc)
	Grens Rienland-Palts - Baden-Württemberg
	Rien (478 maeter)
	Rösplats
46	Aafslaag Hockenheim
	Rösplats
	Dreieck Hockenheim	A6

Externe links

Commons: Bundesautobahn 61 – Media gerelateerd aan dit óngerwerp

Referenties

Dit artikel baseert zich op 't corresponderend Nederlandstaolig artikel en 't Duutse.