Keulse Barrière

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

De Keulse Barrière is de naam van de Nederlandse ziej van d'n alde grenseuvergank van Venlo nao de Pruse autobaan A61. De Duutsje kant hit Schwanenhaus. Dizze letste naam is gebroekeliker. Saer april 2012 sluut d'n A61 aan op de Nederlandse A74. De dreejhónderd maeter lang barrière is allewiel twieëbaans in plaats van veerbaans oetgeboewd. Via 'nen aafrit sluut zeej aan op d'n A61.

Geschiedenis

In 1823 woort 't ierste Pruse douanekantoor geäöpend. In 1905 woort 'n nuuj geäöpend, det tot de äöpening van d'n A61 in 1972 deens haet gedaon. De Nederlandse en de Pruse douane woorte in ein geboew óndergebrach. Daonaeve is 't waegprofiel in de zestiger jaore verbreid gewaore en via 'n groeëte rotonde, 't Keulse Plein, verbónde mit de Kaldekerkerwaeg.

Bedriefsterrein

Mit 't ewegvalle van de grenscontroles op 1 jannewari 1993 zien vuuel grensactiviteite verdwene. Waal gif 't bedrievigheid, veural op 't gebeed van transport en logistiek. Dit bedriefsterrein is via 't grenseuverschriedende samewerkingsverband VeNeTe (Venlo-Nettetal-Tegele) verbónde mit 't Pruse bedriefsterrein Kreuzackerfeld.