Erftstadt

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Erftstadt, op 't Ripuarisch ouch Erfsjtad ofwel Ärfstadt, is 'n Rienlands stedsje in de krink (Kreis) Rien-Erf-Kreis, te Noordrien-Wesfale (Duitsland). Zoewie de naom al verklap, is de stad verneump nao de Erf: de revier die hei oet de Rien oontsprink. De stad woort pas in 1969 opgeriech, naodat de veurmaolege dörpkes en stedsjes vaan häöre regio aon mekaar waore vasgegreuid; mèt naome door de industrie en de ummertouw mie centraoliserende mach vaan Kölle. De stad die nog gein 20 kilometer vaan häör vaandan ligk. Toch is de annexatie vaan de versjillende pläötskes nog riechteg te zien. Erftstadt heet versjillende stadskerne en sommege gebede zien inkel verboonde mèt snelwege.

Mèt häör 119,89 km² en 49.037 inwoeners (2014) heet 't 'n bevolkingsdeechte vaan 409 de veerkante kilometer.

't Op 95 meter hoegte ligkende pläötske is te klein um stadsdistrikte te höbbe, mer 't gief dao wel 18 stadsdeile.

In juli 2021 woort Erftstadt benkelek zwoer getroffe door de Centraol-Europese euverstruiminge vaan dat jaor. e Groet gedeilte vaan de stad woort opgeslok door de door water verzaojegde groond. Bekans hoonderd lui hiemelde of raakde vermis. Ouch in de res vaan Noordrien-Wesfale, 't Rienland-Palts, de Limbörge en de Provincie Luik goof 't versjèllende slachoffers en benkelek väöl sjaoj. De Rienlandse regio roontelum Erftstadt en de Eifel woorte evels 't hels vaan Europa getroffe. De groond in Erfstadt is relatief zwaak umtot e groet gedeilte vaan 't fundamint is verlore gegaange door d'n opkoms vaan broenkool mijnbouw in d'n 20ste iew.

Schloss Gymnich