Zuid-Holland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Zuid-Holland
Hoofsjtad	D'n Haag
Opperflaakde – woevan land – woevan water	3.307,86 km² 2.698,40 km² 609,46 km² (18,4%)
Inwoeners – Deechde:	3.840.460 (2023) 1423/km² (land)
Commissair van de Keuning (lies)	Wouter Kolff (VVD)
Óntsjtange oet	Holland (splitsing 1840)
Belangriekste lokaalsjpraok(e)	Zuid-Hollands, Ziews
Vouksleed	Zuid-Hollands volkslied

Zuid-Holland is 'n provincie in Wes-Nederland. 't Is mèt aofstand de groetste provincie vaan Nederland nao inwoeners. Mier es de helf vaan de Randstad ligk hei. De meiste inwoeners zien geconcentreerd in en roond de kerne Leiden, D'n Haag, Rotterdam en Dordrech, die inmiddels bekans of gans aoneingegreujd zien. Mie landeleke gebeie zien 't Wesland, 't Greun Hart, De Hoeksche Waard en Goeree-Overflakkee.

Gemeintes

Zuid-Holland kint sins de lèste herindeiling (2023) 50 gemeintes.

Alblasserdam Albrandswaard Alphen aan den Rijn Barendrecht Bodegraven-Reeuwijk Capelle aan den IJssel D'n Haag Delft Dordrech Goeree-Overflakkee Gorinchem Gouda Hardinxveld-Giessendam Hendrik-Ido-Ambacht Hillegom Hoeksche Waard Kaag en Braassem

Katwijk Krimpen aan den IJssel Krimpenerwaard Lansingerland Leiden Leiderdorp Leidschendam-Voorburg Lisse Maassluis Midden-Delfland Molenlanden Nieuwkoop Nissewaard Noordwijk Oegstgeest Papendrecht Pijnacker-Nootdorp

Ridderkerk Rijswijk Rotterdam Schiedam Sliedrecht Teylingen Vlaardinge Voorne aan Zee Voorschoten Waddinxveen Wassenaar Westland Zoetermeer Zoeterwoude Zuidplas Zwijndrecht

In gein ander Nederlandse provincie zien zoeväöl gemeintes opgeheve en heringedeild es zjus in Zuid-Holland. In de negentiende iew had de provincie nog paar hoonderd gemeintes. Dit kump doortot de plattelandsgemeintes in dees provincie de rechsopvolgers zien vaan de ambshierlekhede in 't gebeed. Eder dörp en zelfs väöl gehuchte hadde oonder 't "ancien regime" 'nen eige hier gehad. Dit steit in tegestèlling tot beveurbeeld Friesland, boe me de vaanaajds groetsjaole grietenije mèt väöl neet-zelfstendege dörpkes tot gemeintes maakde. In 't Keuninkriek bleke de väöl landeleke gemeintes mèt mer e paar inwoeners neet te handhave. Daobij zien väöl dörper opgeslók door de ziech zjus in dees provincie ummer oetbreiende stei. Later zien ouch ummer mie lendeleke en veursteideleke gemeintes gefuseerd.

Zuug veur details de lies vaan geweze gemeintes in Zuid-Holland.
Zuug veur e gans euverziech vaan alle stei en dörper in de provincie Lies vaan plaotse in Zuid-Holland.

Historische inwoenertalle

Zuug ouch: Oetsleeg vaan volkstèllinge in Zuid-Holland

Jaor Aontal Greuj 1830 479.737 -- 1840 526.020 +9,6% 1849 563.425 +7,1% 1859 617.199 +9,5% 1869 688.204 +11,5% 1879 803.619 +16,8% 1889 949.641 +18,2% 1899 1.144.448 +20,5%

Jaor Aontal Greuj 1909 1.390.744 +21,5% 1920 1.678.670 +20,7% 1930 1.957.578 +16,6% 1947 2.284.080 +16,7% 1956 2.587.142 +13,3% 1960 2.706.810 +4,6% 1971 2.981.200 +10,1%

Opmerkinge

• In 1830 bestoont de bestuurleke provincie Zuid-Holland nog neet, meh de volkstèlling vaan 1830 is pas achteraof opgemaak. Daobij woorte zelfs al in 1830 gesjeie statistieke bijgehawwe.
• 't Getal veur 1971 is aofgerund op e gans hoonderdtal.

Rillatief oontwikkeling vaan 1830 tot 1971

(v₁₈₃₀=100)

Aongrenzende distrikte

Zuid-Holland grens aon de volgende distrikte, naomelek Nederlandse provincies:

• Noord-Holland - noorde
• Utrech - ooste
• Gelderland - zuidooste
• Noord-Braobant - zuie
• Zieland - zuidweste

Externe links

• Provincie Zuid-Holland
• Zuid-Holland, Plaatsengids
• Statistieken provincie Zuid-Holland, AlleCijfers