Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Oegstgeest in Zuid-Holland

Oegstgeest is 'n plaots en gemeinte in de Nederlandse provincie Zuid-Holland, te noorde van Leie, boe 't 'n veurstad vaan is. De gemeinte heet per 1 januari 2006 21.887 inwoeners en besleit 'n oppervlak vaan 7,75 km2 (daovaan 0,55 km2 water). Binne de gemeintegrenze ligke gein ander kerne.

HistorieBewirk

Oegstgeest, of de groond vaan dees nederzètting, woort in de Romeinsen tied al door Kaninefate ('n Germaanse stam) bewoend. In de negende iew woort hei volges 'n euverlevering e kèrkske gebouwd door Sint-Willebrord. De naom Oegstgeest duuk veur 't iers op in de tiende iew es Osgeresgeest, de geesgroond (relatief oonvröchbaar grun boe-op gewoend woort) vaan einen Osger. In de volgende iewe greujde Oegstgeest dudelek, tot in de veertiende iew de expansie vaan Leie es stad dao 'n ind aon maakde. In 1399 woort 't ambach Poelgeest bij Oegstgeest gevoog. Oegstgeest heet laank oet e groet aontal naobersjappe bestoon, die vaanaof de negentiende iew alle aoneingebouwd zien. Sommege zien door de gemeinte Leie geannexeerd.

Gebore in OegstgeestBewirk

Externe linkBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oegstgeest&oldid=388322"