Alblasserdam

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Alblasserdam in Zuid-Holland

Alblasserdam is 'n gemeinte en plaots in de Nederlandse provincie Zuid-Holland, in 't weste vaan d'n Alblasserweerd, aon de reveer de Noord, mèt 'n populatie vaan 18.425 inwoeners op 1 januari 2006 en 'n oppervlak vaan 9,96 km² (daovaan 1,18 km² water). Binne de gemeinte ligk wijer nog e deil vaan 't dörp Kinderdijk.

Historie

Alblasserdam is oontstande roond 'nen dam in 't reveerke d'n Alblas en waor daan ouch oersprunkelek 'n naobersjap vaan Oud-Alblas. D'n dam weurt veur 't iers geneump in 1299, in de Kronieke vaan 't Graafsjap Holland vaan Melis Stoke, de parochie woort gestiech in 1447. Naodeen euvervleugelden 't Oud-Ablas gans, door zien geunsteger ligking aon de reveer de Noord die de handel 'nen impuls gaof, en woort 't mèt Papendrecht en Sliedrecht e veurnaom centrum vaan de Alblasserweerd. Vaanaof 1350 tot en mèt de Watersnoedramp vaan 1953 is dit gebeed evels neet minder es 33 kier oondergeloupe, wat de greuj en bleuj vaan de plaots natuurlek remde.

In 1940, tijdes d'n Twiede Wereldoorlog, woort 't dörp bij e Duits bombardemint platgegoejd, zoetot 't aajd dörp mer weinig aw gebouwe heet.

Externe link

• http://www.alblasserdam.nl