Zwijndrecht (Nederland)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Zwijndrech

Zwijndrecht is 'n gemeinte in de Nederlandse provincie Zuid-Holland. 't Oppervlak bedreug 22,77 km²; op 1 januari 2011 tèlde de gemeinte 45.445 inwoeners. Zwijndrech ligk te noorde vaan de Aw Maos en ten weste vaan de Noord, op 't eiland IJsselmonde. De bebouwing is vasgegreujd aon die vaan Ridderkerk, Barendrecht en Hendrik-Ido-Ambach. Neve de stad Zwijndrecht kint de gemeinte nog de kern Heerjansdam.

Stadsfuncties

Zwijndrech, gezeen vaanoet Dordrech

Zwijndrecht functioneert in d'n ierste plaots es veurstad vaan Dordrech en Rotterdam. Evels heet 't ouch e veurnaom industriegebeed: de Groote Lindt, wat veural vaan de binnevaort gebruuk maak.

Stadsbeeld

Zwijndrecht is bekans gans volgebouwd en de mieste bebouwing is vaan nao d'n oorlog.

Historie

Zwijndrecht weurt, mèt de Zwijndrechtse Weerd, in 1006 veur 't iers geneump; 't dörp waor daan centrum vaan de Weerd en laog aon 't Zwin 'n aofgedamde zie-erm, en aon d'n Devel. Vaanaof de veertiende iew woort 't gebeed systematisch bediek; de Hollandse graof verleinde hiererechte aon ederein dee de bedieking financierde. Zoe oontstoont e groet aontal klein ambachte. In 1833 woorte e paar ambachte tot de gemeinte Zwijndrech samegevoog. In 1855 annexeerden 't Meedervoort en in 1881 woort Groote Lindt ingelief, boemèt de aw situatie vaan de väöl ambachte opgeheve waor. In 2003 woort ouch Heerjansdam aon Zwijndrecht touwgevoog.

Extern linke

• ((nl)) Officieel website