Wasseiges
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Wasseiges is 'n gemeindje in 't arrondissementj Wèrm, inne pervincie Luuk, in 't Belsj. De gemeindje tèltj ruum 2500 inwoeaners. 't Dörp Wasseiges ligk ane Mehaigne, dae juus e paar maeter van 't dörpsplein aaf veurbiestruimp en hie ouch döks euvere oevers treutj.
Bezeenswaerdigheje
bewirk- Sint-Martinuskèrk (Place communale)
Tiedes 't Ancien Régime bezatj de Sint-Laurentiusabdie van Luuk 't begaevingsrèch van Wasseiges. Wasseiges - oearsprónkelik 'n parochie van 't bisdóm Luuk - woort in 1561 bie 't bisdóm Name óngergebrach. Saer 1802 maak de plaats óppernuuj deil oet van 't bisdóm Luuk.
't Hujih kèrkgeboew kump oet 1773 en haw in 1871 'n restauratie doren architek H. J. Maquet. 't Muibeleer is veur e groeat deil oete negentieëndje ieëf. d'n Orgel, aafkómstig oete Sint-Andreaskèrk in Luuk, stamp oeten achtieëndjen ieëf en is saer 1992 besjörmp.
- Ferme de la Dîme (Tiendenhoeve) (Rue du Baron d'Obin 194)
Dezen imposantje veerkantjshaof (zèstieëndjen en zeuventieëndjen ieëf) ane wèsteliken ingank van 't dörp is huuj in twieë gesplitsj. In ei deil waere regelmaotig cultureel activiteite georganiseerdj; 't angert is 'n privéwoeaning gebleve.
- Tumuli du Soleil bie Ambresin
Deilgemeindje
bewirkTabel
bewirk| # | Plaats | Óppervlak | Bevólking (2004) |
|---|---|---|---|
| 1 | Wasseiges | 6,65 | 883 |
| 2 | Meeffe | 9,08 | 693 |
| 3 | Ambresin | 6,20 | 582 |
| 4 | Acosse | 2,52 | 248 |
Kaart
bewirk
Bevólkingsóntwikkeling
bewirkIn dees tabel kiek me-n allein nao de plaats Wasseiges, neet nao de ganse gemeindje.
19e ieëf
bewirk| Jaor | 1806 | 1816 | 1830 | 1846 | 1856 | 1866 | 1876 | 1880 | 1890 |
|---|---|---|---|---|---|---|---|---|---|
| Inwoeaners | 811 | 748 | 898 | 1036 | 1054 | 1125 | 1188 | 1220 | 1262 |
| Ópmèrking: rizzeltaote vólkstèllingen óp 31/12 | |||||||||
20e ieëf
bewirk| Jaor | 1900 | 1910 | 1920 | 1930 | 1947 | 1961 | 1970 | 1976 |
|---|---|---|---|---|---|---|---|---|
| Inwoeaners | 1169 | 1022 | 947 | 828 | 783 | 702 | 615 | 586 |
| Ópmèrking: inwoeanersaantal óp 01/01 - Brón:NIS | ||||||||
| Jaor | 1977 | 1980 | 1985 | 1990 | 1995 | 2000 | 2005 |
|---|---|---|---|---|---|---|---|
| Inwoeaners | 1659 | 1704 | 1748 | 1866 | 2057 | 2241 | 2465 |
| Ópmèrking: inwoeaneraantal óp 01/01 - Brón:NIS | |||||||
Politiek
bewirk't Bestuur van Wasseiges besteit saer 2007 oete lies UC die de mieëderheid vanne zetels haet.
De volgendje persoeane make deil oet van 't bestuur:
| College van börgermeister en sjepene | |
|---|---|
| Börgermeister | Joseph Haquin (UC) |
| Sjepene | Thomas Courtois (UC) Anne Monnaie-Pelgrims (UC) Daniel Paris (UC) |
