Tersjtraote
Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.
Tersjtraoëte (Nederlands: Terstraten) is 'n buurtsjap va Nut in de gemeënte Baekdale gelaeëge in 't dal van de Pletsjbaek. Die baeëk sjtruimp langszie. Same mèt g'n Hèl en g'ne Brand ligke d'r óngevier 33 häöëf en hoeëzer. De beboewing löp vanaaf de Pletsjbaek langs 'ne holle waeg naoë baoëve tot op de Mestreechterwaeëg. Hie bevingk zich aoch nog 'n sjpekboerderie ligkend i ge veld.
Besjermp dörpsgezich
bewirkTersjtraote is besjermp dörpsgezich vanwaeëge zien good bewaarde vakwerkhäöëf en sjpekhoeëzer oeët d'r 18e ieëw. Eine haoëf haat 'ne mergele voluutgaeëvel woeë-op 'ne sjleetsjtein mèt 't jaoërtal 1740. Midde tösje de beboewing op 'n pleintje sjteet 'n waeëgkruts ónger 'ne boum. In de buurt, op 't ing van 'ne holle waeëg bevingk zich de carréboerderie G'n Dreesj.
| Dörper: Awstroa · Bèngelder · Doevergenhout · Doonder · Hölsberg · Jaobik · Merkelbek · Nut · Oeësjbik · Pöt · Sjènne · Sjilvend · Sjömmert · Vaosje · Wienesrao · Zjweikese | |
| Buurtsjappe en gehuchte: Aolbaek · Arensgenhout · Billich · Brand · Brómmele · Doeve · Gekruts · De Grach · Griêzegröbbe · Groat Hazel · Groeët Doonder · G'n Heisterbrök · G'n Hèk · Hout · Ieëtselder · G'n Hèl · Hèllebrook · Hómmert · Hunnekem · Kamp · Kathage · Kleen Doonder · Klein Hazel · Kleingenhout · Kwabik · Laor · Lui · Nagelbek · Nirve · Oansel · Op de Bies · Op d'n Hiering · Oppeven · Raat · G'n Reuke · Tersjtraote · Tervoeësj · Töl · G'n Veel · Vink · Wisjegrach · Woufhage · Zjwier | |