Dit artikel is gesjreve (of begós) in 't Sjins. Laes hie wie v'r mit de versjillende saorte Limburgs ómgaon.


Sjuèmer Mariakapel 2005

Sjuèmer, (Nederlands Schoonbron) is 'e gehuch aan d'r groate waeg tösje Sjtröch en Wielder in de gemeinte Valkeberg aan de Geul. Op ’n kaart oet 1840 sjteit Schonboren en op kaarte oet 1866 en 1924 sjteit Schoonborn te laeze. D'r naam zou trukgoon op de sjoan, zuver brónne die hie oet d'r grónd borrele. De brónne loupe richting de Geul, die ouch door dit gehuch löp. De brónne ligke op de Hoagbaek. Sjuèmer, Sjuuëmer en Sjoanbrón zouwe etymologisch d'r zelfde achtergrónd höbbe. De Sjuèmerbaek sjtruimp in de buurt. Get hoagerop richting Ransdaal lik de buurtsjap Opsjuuëmer of Opsjuèmer.

'n Deil van de buurtsjap huèrde tot 1982 tot de gemeinte Wielder. Allewiel is 't aan Sjtröch vasgegreujd.

Centraal, aan d'r driesjprunk, tösje 'n aantal ouw häöf, woavan eine va vakwerk, sjteit 'n Mariakapel oet 1945 geboewd va Kundersjtein. Ze is geboewd oet dankbaarheid veur 't good doorkómme van de Twiède waereldaorlog. Dao tegeneuver hingk aan de moer van 'n boerderie 'n houte waegkruus. Aan ein zie van 't geboew löp d'r holle weg richting plateau. In 1588 is sjpraoke van 'ne Haof van Schoonborn.

 
Gemeinte Valkeberg aan de Geul
Vaan van Valkenburg aan de Geul
Dörper: Berg · Brokem · Houtem · Oud-Valkeberg · Sjin op Geul · Sub · Valkeberg · Vild
Buurtsjappe en gehuchte: Boete de Paort · D'n Emmaberg · Geulem · De Hièk · De Hièkerbeek · Haersjtraot · Iezere · Ingwege · Keuteberg · De Nerem · Oas · De Plenkert · Sint Gerlach · Sint-Pièter · Sjuèmer · De Sjtoepert · Sjtraobaek · Sjtröch · Terbliet · Vroenhof · Walem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjuèmer&oldid=338316"