Sjpaans Neerbaek

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Sjpaans Neerbaek waor ein veurmalig gehuch van Neerbaek, is van awtshaer 'n deil van Gelaen dat allewiel deil oet maak van de gemeinte Zittert-Gelaen in Zuud Limburg.

't Waas vreuger ein lintjdörp van aw boerderiekes en huuskes langs de Keutelbaek. De naam óntsjtóng wiej in 't dörp Neerbaek in de Tachtigjaorige Aorlog de Sjtaatse Nederlandse en Sjpaanse troepe taengeneuverein laoge. 't Door de Sjtaatse troepe bezatte deil bleef doe biej 't Sjtaatse Baek en 't door de Sjpanjaarde bezatte deil kaom biej Gelaen en haet in de volksmóndj altied de naam Sjpaans Neerbaek blieve hawte. In de zestiger jaore van de twintigste eëuw is 't dörp bienao gans aafgebraoke óm plaatsj te make veur de nuujboew-wiek Gelaen-Zuid. De veurmalige Dörpsjtraot die noe in dees wiek ligk, heijt nog ummer Sjpaans Neerbaek. De Keutelbaek is allewiel euverkloesd en dus ouch neet mieë zichbaar in 't sjtraotbeeld.

Externe link

• Sjpaans Neerbaek, oetgebreide website