Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Baeks, es te dit dialek sjpriks.

Nirbik (Nederlands: Neerbeek) is 'n dörpke in de gemeinte Baek in Zuud Limburg. 't Is gelege sjtruimaafwaerts aan de Keutelbaek. Dat verklaort de naam: neer beteikent lièger gelaege, aan de baek. Allewiel ingeklemp tösje de A2 en A 76. In vreuger jaore waor sjpraoke van 'n Hollands Nirbik en 'n Sjpaans Nirbik. Dat lètste loog in de gemeinte Gelaen, noe Zittert-Gelaen. 't Dörp haet 2368 inweunersj in 2023.

Sjpaubaekersjtraot, Nirbik (Baek)
Veur de baek in Midde-Limburg, zuuch: Naerbaek.

Gesjiedenis bewirk

In 2000 en in 2003 zint bie archeologische opgravinge veurwerpe gevónge die trukgaon nao de tied van de Bandkeramiekersj. Nirbik is óntsjange rónd de Middelièwse Nirbiker haof, gelege tösje de Keulsjteeg, Holsjtraot en Nirbiker sjtraot en vanoet de Aldenhaof. In Sjpaans Nirbik vanoet de haof Kleine Biese. Es bie 't partage tractaat in 1661 't land verdeild moet weure in Sjpaanse en Sjtaatse grónd, kump Baek ónder Hollands besjtuur en Gelaen ónder Sjpaans. Zoa óntsjtoon Hollands en Sjpaans Nirbik. De lètste naam ies nog hièl lang gebruuk gewore.

Bezeenswaerdig bewirk

  • In 1933 weurt de Sint Callistuskèrk geboewd nao 'n óntwerp van A.J. Kropholler oet Wassenaar. Opvallend is de hoage tore mèt sjpits leie daak. 't Baksjteine geboew is sjtrak van vörmgeving mèt neo-gotische deur- en vènstereupeninge. De keus van Callistus es petroanheilige is neet toevallig gewaes. Hae zou 'ne sjlaaf zin gewaes in de koel (mien) en dao 't vak höbbe gelièrd. In Nirbik woonde relatief väöl mienwèrkersj.
  • Bie de kèrk bevingk zich 'n oorlogsmonument oet 1946 óntworpe door Jean Weerts oet Mestreech.
  • Op de hook van de Sjpawbikersjtraot sjteit 'n beeld in helle sjtein "Sjaats en Sjpaans Nirbik" oet 1991 van Gène Eggen oet Ulesjtraote.

Dörpsvereiniginge bewirk

  • muziekkorps Sint Callistus
  • Carnavalsvereiniging de Doorzètters
  • Voetbalvereiniging V.V. Neerbeek

Evenemente bewirk

  • Zomerkèrmes vingk plaats op de 3e zóndig nao Pinkstere.
  • Naojaorskèrmes op de zóndig veur 19 oktober.

Externe link bewirk

http://www.spaansneerbeek.nl

 
Gemeinte Baek
 
Dörper: Baek | Groat Genhout | Geverik | Klein Genhout | Nirbik | Sjpawbik
Buurtsjappe en gehuchte: De Aw Kèrk | Hoebelrao | Hoeve | Kelment | Looiwinkel | Sint-Jansgelaen
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nirbik&oldid=461468"