Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Einikhoêzer, es te dit dialek sjpriks.

Rosengarten is e gehuch van 't Nederlandjs-Limburgs dörp Einikhoêze inne gemèndje Zitterd-Gelaen.

Dit gehuch is gelaenge t'n zuje vanne dörpskern, róndje kruutsing vanne Bergerwaeg enne Heisjtraot/Mauritswaeg. De aadste beboewing is gelaenge langs dees drie waeg. 't Wuuertj gesjeie vanne res van 't dörp dore sportveljer en 'n aantaal landjboewpercele. Róndj 't begin vanne jaore 1950 woort 't gehuch duchtig oetgebrèdj doren aanlègk vanne Theresiasjtraot en haet hiedoor mieër 't karakter gekrege van 'n woeanwiek. Toet 1982 behuuerdj 't grótste deil van 't gehuch, juus wie de res van Einikhoêze, toete gemèndje Lömmerig en e kleinder deil toete gemèndje Zitterd. Daodoor vèltj 't litsgeneumdje deil nag ummer óngere adressering van Zitterd.

't Gehuch is geneump gewaore nao d'n haof Rosengarten, dae kórt t'n zuje ane Uermenderbaan, meh waal inne vreuger gemèndje Gelaen. Dezen historischen haof is in 2011 gesloop gewaore, went 't geboew waas zoea vervalle det renovatie neet mieë meugelik waas. 't Guuef planne veuren haof gans te herboewen inne oearsprunkelike vorm.

In dit gehuch bevinje zich de sportveljer van Einikhoêze, wo ónger mieë de voetbalverein SVE Einighausen is gevèstig.

Gemeinte Zittert-Gelaen
Sjtae en dörper: Bor · Beech · Buchte · Einikhoeze · Gelaen · Göttekaove · Houtem · Lömmerig · Munstergelaen · Opbeech · Papenhaove · Zittert
Buurtsjappe en gehuchte: Abshaove · Awt-Gelaen · Baandert · Broukzittert · Danike · Dassekoel · Europapark · Euverhaove · Gelaen-Zuid · Graasbrook · De Graathei · Haagzittert-park · Harrekaove · De Haze · Hazelderveldj · Hogenberg · Hóndjsbrook · Hoogveldj · Janskamperveldj · Kempehaof · De Kloes · Kolleberg · Kraonkel · Klein-Holtem · Laarhof · De Landjgraaf · Leiebrouk · De Lèndjheuvel · 't Lömmerigerveld · Lötterao · Mesjtreechterbaan · Ophaove · Rosengarten · Sanderbout · Sjpaans Neerbaek · Sjpaorkóllenie · Sjtadbrouk · Sjipperskèrk · Staaj · Vrangedaal · De Wèndjraak · Wolfrath
Kollenieë: Achbunjer · Teenbunjer
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rosengarten&oldid=356497"