Frits Peutz
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Frits Peutz (7 april 1896 – 24 oktober 1974) waor 'ne Nederlandse arsjitek. Geboewe van häöm sjtoont veural in Nederlands Limburg; zien bekèndste werk ies 't Glaaspaleis in Heerle.
Peutz woort gebore in Uithuizen (provincie Groninge). Hae volgde de mieddelbaar sjoal op Rolduc in Kèrkrao. Denao góng hae veur ingenieur lière aan de Technische hoagesjoal in Delf. In 1920 kaom hae truuk nao Limburg en vestigde ziech in Heerle es arsjitek, hoewaal hae zien sjtudie nog neet houw aafgerónd. In 1925 sjtudeerde hae esnog aaf in de boewkunde.
In 1933 kreeg hae de opdrach van Peter Schunck um e warehoes te óntwerpe woa hae zien sjtoffe zou kènne verkoupe. Peutz óntworp e geboew mèt dragende pilere in de vörm van paddesjteul, woadoor de gevel gein dragende functie houw en in glaas koes were oetgeveurd. Daovan kump ouch de bienaam van diet geboew, Glaaspaleis. In 1999 ies 't Glaaspaleis door de Union of International Architects op 'n lies van 1000 belangriekste geboewe van de 20e ièw gezat.
Peutz zien sjtiel ies gerelateerd aan 't Nuuj Boewe, meh hae goof hie 'n eige interpretatie aan. In zien óntwerpe veur kèrke waor hae traditioneler. Hae gebruukde daoveur dèks mergel, woadoor zien kèrke aansjlote bie de traditioneel Limburgse architectuur. Nao 1950 óntworp hae ouch kèrke in moderner sjtiele.
Werke (selectie)
bewirk
- Rumpe (Brunssum), Vincentius à Paolokèrk (1922-1923)
- Heerle, Antonius van Paduakèrk (1929)
- Houtem, hoes Casa Blanca (1929)
- Berg, Monulphus- en Gondulphuskèrk (1931-1933)
- Ranzel, Theresiakèrk (1931-1932)
- Heerle, Modehoes Schunck (Glaaspaleis) (1933)
- Waubach-Abdissenbosch, kèrk Sint-Bernadette (1935)
- Heerle, sjtadhoes (1936-1942)
- Sint Pieter (Mestreech), Sint-Pieterskèrk (1936)
- Heerle, bioscoop Royal (1937)
- Tegele, sjtadhoes (1940)
- Meijel, Sint-Nicolaaskèrk (1954-1958)
- Remung, Heilige Geiskèrk (1955-1956)
- Urmond, Sint-Martinuskèrk (1956)
- Heerle, sjtadssjouwburg (1960-1961)
- Zitterd, Warehoes Vroom en Dreesman op de mert (1961?)
Externe link
bewirk
|
Commons: Category:Frits Peutz – Media gerelateerd aan dit óngerwerp |