Moelinge

Dit artikel is gesjreve in 't Èèsjdes. Ómdat 't plaatsgebónge is, maogs doe 't ómzètte nao 't Moelings, es te dit dialek sjpriks.

---

Moelinge (Nederlands: Moelingen, Frans: Mouland) is 'n dörp ien de gemejnte Voere in Belsj Limburg. Moelinge is 't miesj wesjteleke dörep ien de Voorsjtriejek. 't Lik ien 't Maosdal aon reveer de Berwèjn.

Kèrrek en oerlogsmonumingt ien 't centrum

Bezeenswjèrdig

• De O.L.Vrouwekirk mit unne Romoansen toere oet de 12de ieuw. Aander sjtèjle ien 't gebouw zien goties, barok en neogoties.
• Bie 't vreuger gemèjntehoes, langs de brök uuver de Berwèjn, sjtèèt 'n weigkruus oet 1768. Daoneive 'n sjtèl grenspaole oet 1713 mit de waopes van Oosjtenriek en Nederland. 't Hujdige Belsj huurde toendertieds nog bie Oosjtenriek.
• Oe de Berwèjn ien de Maos oetkumpt, sjtong oets 't kesjtiel van Elven of Navagne. Allèng get resjte vaan de 'sjans', 'n versjterreking opgezat doer de Sjpanjaorde ien 1674, zien dao nog vaan uuver. Aoch is nog get te zien van 'n Oosjtenrieks tolkentoer oet de 18de ièuw.
• Ien de Maos likt 'n sjtuwdam, dei 't wotterpeijl sjtroomaofweirts reigelt. Aon de Oesjkant wurt 'n wotterkrach centrale aongedrjieve.
• 'ne Vistrap ien de Berwèjn. Dei mot de visse, die tiege de sjtroom ien zjwumme, de meugelikheid geive um de kleng sjtuw vaan 'n vreuger wottermewule te passere. Op dis ploats is 'n now brök uuver de Maos aongelag.

Dörpsverejneginge

• Gemingt Zangkoer Mulingia
• Carnavalsverèjnèging De Djimmers

Extern link

• Kesjtièl vaan Elven of Navagne, de plaots oe d'Artagnan mèugelek gesjtoarve of begraove zow zien