Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


't Maasdal, 'n dal gevörmd dör de rivier de Maas, mèt z'n typische terrasse haat zich beginne te vörme an 't begin van 't Pleistoceen, zoe'n 2.000.000 jaor gelaeje. Doe sjtroomde de Maas va Luuk nao Eèsde, via zudelek Haeële, noord-oostwaards. Mèt 't umhoeëg kaome van de Alpe waoërte ooch de Ardenne en d'r noordraand daovan, 't Mergelland, opgehaeve oeëdör 't noord-weste lieëger kieëme te liegke. Dit versjiensel neumt me 'ne geologische wipwap en haat tut gevolg gehad dat de Maas zich in versjèjje periodes va opheffing van de Alpe, versjèllende kieëre ummer mieë nao 't weste verlag haat. Zoe zeunt de maasterrasse oontsjtande. Örsj 't Kosbergterras en 't Seempelvaeldterras, daonao op 't Sibber- en Valkebergerterras en tut sjlot op 't Rothem- en 't Kabergterras.

In beperkte zin gebroekt me d'r naam Maasdal es benaming väör 't huidige landsjapstype langs de Maas, dat zich kenmaerkt dör vlakke vruchbare vaelder.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Maasdal&oldid=231161"