Merkelbek

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Merkelbeks, es te dit dialek sjpriks.

---

Merkelbek (Nederlands: Merkelbeek) is 'n dörp aan de beek de Merkel in de gemeinte Baekdale in Nederlands Limburg. Tot 1982 waor 't ein zelfsjtendige gemeinte. In 2002 wone d'r 1600 luuj.

Kerne:

• Doevergenhout (waor vreuger groater es Merkelbek).
• De Kling (Onderstje Merkelbek) huèrt bie de gemeinte Brunsum.

Saer 1234 is Merkelbek 'n eige parochie. In 1876 weurt de Heilige Clemenskèrk geboewd in neo-gotische sjtiel. In 1935 volg 'n oetbreiing. De ouwe kèrk van Merkelbek die vuur 1876 deens deeg bevingk ziech op 't gróndgebeed van Brunsum in de buurtsjap De Kling. In 2005 woerte de klokke oet dees ouw kèrk gesjtoale, mer keeme weer terech bij inne ouwt iezer henjeleer.

Bezeenswaerdig

• Pöthuuske in Doevergenhout.
• Baksjteine kapel
• Ouw häöf en hoezer
• Óndersjte haof en bovenste haof (gemeinte Brunsum in de Kling).

Dörpsvereiniginge

• Sjötterie: Sint Johan en Sint Clemens
• Fanfare Sint Joseph oet 1908
• Carnavalsvereiniging de Zeemplekkesj oet 1952
• 't Zeemgilde, oud-prinsen van de Zeemplekkesj opgericht oppe Kling december 2003
• Voetbal vereiniging R.K.D.F.C. Rooms katholieke douvergenhoutse football club