Meersje-Wes

Dit artikel is gesjreve (of begós) in 't Meersjes. Laes hie wie v'r mit de versjillende saorte Limburgs ómgaon.

---

Kèrk in Meersje-Wes nao 'n óntwerp van Charles Eyck, 't beeld is van Jean Weerts

Meersje-Wes is 'n buurt van Meersje in Zuud Limburg. Hie bevingk zich 'n grwate woonwiek gesitueerd ten weste van de plaats Meersje. In 't noorde van 't gebeed grens 't vleegveld Beek.

bezeenswaerdig

• Midde tösje de woonhoezer is in 1958 'n modern katholieke parochiekèrk geboewd, gewiejd aan St. Jozef- arbeider. 't Óntwerp kaom van de gebore Meersjese kunstenaer Charles Eyck. Hae maakde ouch 'n grwate moersjildering, de glaas-in-lwadvènstere en glaas-in-betónvènsterkes. De beeldhouwwerke boete 't geboew zint van Simon De Gas (nao óntwerp van Eyck) en van de Mestreechse beeldhouwer Jean Weerts.
• Op 't Hwag veld lik de basissjwal 't Hwagveld.
• Op 'n krusing Bundersjtraot, St. Jozefsjtraot en de Hwagveldwaeg sjteit 'n mergele St. Joepkapel in neogotische sjtiel. Ze is opgetrokke in 1930 mèt hölp van de jónkheid van de Bundersjtraot, Waertersjtraot en Veldsjtraot. In vreuger jaore sjting hie 'n veldkruus. Binne sjteit 'n beeld van de heilige Joep. In 1980 haet restauratie plaatsgevónge.