Waert

Dit artikel is gesjreve (of begós) in 't Meersjes. Laes hie wie v'r mit de versjillende saorte Limburgs ómgaon.

---

Waert papierfabriek 2005

Waert (Nederlands: Weert) is 'n buurtsjap van Meersje en gedeiltelik ouch van Mestreech, nao de herindeiling van de gemeintes in 1970. 't Is gesitueerd aan de Geul tösje Bung, Meersje, Raotem en de Beatrixhave (Mestreech). Kesjtjèl Vaeshartelt lik van warspjróng in Waert meh noe op 't gróndgebeed van Mestreech. Aan de Fregatwaeg lik de monumentaal pachboerderie, de Waerterhaof oet 1671. Zie maakde langen tied deil oet van 't good Vaeshartelt. In vreuger tieje heesj 't gehuch Waert aan de Maas, de Werd en Wertha. In 2002 besjteit 't oet 28 hoezer.

In 1840 vestig zich hie de papierfabriek Tielens en Schrammen in de meule van Hanckar. Later krig de fabriek de naam Papierfabrik Meerssen en Palm. 'n Paar sjtatige villa's zint rónd 1900 aan de hoofweeg geboewd. In de buurt op krusinge sjtoon vief waegkruzer.