Joep

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Joep ies 'ne jóngesnaam, aafkómstig van Sint Joep (Jozef), 'ne katholieke heilige. Ander veurname aafkómstig van Jozef zint: Jos, Zef, Zjef, Sjef, José en Zee.
Volges de evangelies van Lucas 3:23, 4:22 en Johannes 1:46, 6:42) waor Jozef de man van Maria en de wèttelike vader van Jezus. Van beroep waor hae tummerman. 't Gezin woonde in Nazareth.

Zoon van David

Umdat hae aafsjtamde van David moos hae bie de volkstèlling mèt Maria nao Bethlehem goon. Op die reis woort Jezus gebore. Dat weurt bie de Katholieke herdach mèt de Kaersjmes. Volgens Mattheüs (1:19–24) trouwde Jozef mèt Maria naodat ‘r door ‘ne ingel waor ingeliech euver häör zjwangersjap.

Verièring

In de 15e ièw, in 1479, woort ’t fiès van St. Joep ingeveurd op de Romeinse kalender. Ziene fièsdaag woort 19 mièrt. Paus Pius IX beneumde häöm tot de besjermer van de ganse kèrk.

Kuns

Jozef es tummerman door de meister van Flemalle oet 1425

In de beeldende kuns woort Jozef oetgebeeld es ‘ne ouwe man, op de achtergrónd van scenes oet de jeug van Jezus. Ouch ies hae vas ónderdeil in de Heilige familie en in de kaersjgroep van 't kaersjsjtelke of kaersjkruubke. Sóms ouch es tummerman.
In later jaore woort ‘r es jóngere man, loupend mèt ’n kind, es de voedstervader van Jezus, oetgebeeld.
Zien attribute zint ‘ne winkelhaok en ‘ne bleujende leliesjtaaf.

Sint Joepmert

In Zittert woort in 2006 veur de 230ste kièr de Sint Joepjaormert gehoute op 19 mièrt.

'ne Andere Jozef oet de biebel ies de zoon van de aartsvader Jaokob.