Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Kampen in Euverijssel

Kampen is 'n stad en gemeinte in de Nederlandse provincie Euverijssel, aon de moond vaan d'n IJssel, mèt 'n oppervlak vaan 161,84 km2 (daovaan 20,5 km2 water) en (per 1 april 2016) 52.040 inwoeners. De stad Kampen heet in 2015 35.335 inwoeners. Neve de stad Kampen ligke binne de gemeinte nog de plaotse Grafhorst, 's-Heerenbroek, IJsselmuiden, Kamperveen, Wilsum en Zalk.

In Kampen zien twie theologische universiteite, ein vaan de PKN en ein vaan de Gereformeerde Kèrke vrijgemaak.

De Nederlandse minister vaan defensie, Ank Bijleveld vaan de CDA, waor in 't Kampse IJsselmuiden gebore op 17 miert 1962.

Historie bewirk

 
Duit 1660, Kampen.

De ierste bebouwing op dees plaots is vaan roond 1150. In 1236 kraog Kampe stadsrechte. Door zien geunstege ligking aon d'n IJssel en de Zuiderzie greujde de stad hiel snel. Ze woort lid vaan de Hanze en in de veertiende iew waor Kampen ein vaan de riekste en mechtegste stei in de Nederlen. Zoe roond 1430 kaom dao lankzaamaon 'n ind aon doortot de IJssel bij Kampen verzandde. De kierzij vaan dit verzande waor tot 't Kampereiland ummer mier aongreujde. De stad Kampen verpachde dit land en verdeende dao good aon. Toch mós de stad häör leiende positie aofstoon aon Holland (Amsterdam in 't bezoonder) en woort 't in de regio euvervleugeld door Zwolle. Veural in de negentiende iew leefde de stad vaan de tabaksindustrie; in Kampen steit nog ummer ei sigarefebrik. In 1854 riechde me hei 'n theologische universiteit op, die later in twie institute gesplits woort (zuug bove). In 1859 woort de gemeinte Schokland aon Kampen touwgevoog; 't eiland woort kort denao oontruimp. In 2001 góng de gemeinte IJsselmuiden op in Kampen.

Externe link bewirk

 
Gemeintes Provincie Euverijssel
 

Almelo · Borne · Dalfsen · Deventer · Dinkelland · Enschede · Haaksbergen · Hardenberg · Hellendoorn · Hengelo · Hof van Twente · Kampen · Losser · Oldenzaal · Olst-Wijhe · Ommen · Raalte · Rijssen-Holten · Staphorst · Steenwijkerland · Tubbergen · Twenterand · Wierden · Zwartewaterland · Zwolle

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kampen&oldid=448853"