Ank Bijleveld

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Anna Theadora Bernardina Bijleveld-Schouten of Ank Bijleveld (IJsselmuiden, allewijl gemeinte Kampen, 17 miert 1962) is 'n Nederlandse politica. Ze waor minister vaan Defensie in 't kabbinèt-Rutte III. Zie is lid vaan 't CDA.

Bijleveld greuide op in e Roems-Katheliek gezin en ging nao 't gymnasium in Nimwege. Vaan 1980 bis 1986 studeerde ze bestuurskunde aon de hoegesjaol in Enschede, Twente. Dao woort zie nao 't aofstudere lid vaan de gemeinteraod naomes de CDA.

Vaan 1989 bis 2001 waor zie lid vaan de Twiede Kamer. Dit gaof zie op wie ze börgemeister vaan Hof van Twente woort. Dit bleef zie bis 2007. Vaan 2007-2010 waor ze staotssikkertaris vaan Binnelandse Zake en vaan 2011-2017 waor ze Commissaris vaan de Keuning(in) in Euverijssel.

Bijleveld traoj op 17 september 2021 aof oet 't al demissionair kabinèt naotot ze 'n motie vaan aofkäöring te verwèrke had gekrege. De Twiede Kamer voont tot zij en häör collega Sigrid Kaag de evacuatie oet Afghanistan nao de machseuvernaome door de Taliban neet good hejje geregeld.

Extern linke

Drs. A.Th.B. (Ank) Bijleveld-Schouten, Parlement.com