Haersjtraot

(Doorverweze van Hièrewaeg)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Krusing in Haersjtraot mèt waegkruus

Haersjtraot, of Hièrewaeg (Nederlands Heerstraat) is 'n gehuch vlakbie Iezere in de gemeinte Valkeberg aan de Geul op e plateau in Zuud-Limburg. Kómmende vanoet Mergraote, de Iezere waeg, langs de Lammerdel, nao Haersjtraot (en wiejer via Sub nao Valkeberg), ligke hie de häöf en hoezer langs 'ne hièle ouwe verbingingswaeg. De naam geuf dat aan: de sjtraot van de hièr, in vreuger jaore hièrbaan geneump. In de buurt zouwe Romeinse urne zin opgegrave.

De nederzètting weurt doorkruus door 'n paar haol waeg. Op de sjplitsinge sjtaon waegkruzer. Eine van dees waeg is 'ne andere ouwe verbingingswaeg van Mestreech euver Bemele, Gastes nao Sjuèlder en Gulpe. Ein boerderie op 't kruuspunt is geboewd van mergel aafgewisseld mèt baksjteine heuk en lieste.
Same mèt Iezere wone d'r 330 luuj in 2002.

In Haersjtraot zint de breursj Huub, Jan en Ger Harings gebaore, alledriej in hunne tied bekinde fietsrennersj.

 
Gemeinte Valkeberg aan de Geul
Vaan van Valkenburg aan de Geul
Dörper: Berg · Brokem · Houtem · Oud-Valkeberg · Sjin op Geul · Sub · Valkeberg · Vild
Buurtsjappe en gehuchte: Boete de Paort · D'n Emmaberg · Geulem · De Hièk · De Hièkerbeek · Haersjtraot · Iezere · Ingwege · Keuteberg · De Nerem · Oas · De Plenkert · Sint Gerlach · Sint-Pièter · Sjuèmer · De Sjtoepert · Sjtraobaek · Sjtröch · Terbliet · Vroenhof · Walem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Haersjtraot&oldid=395409"