Huub Harings

Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Valkebergs, es te dit dialek sjpriks.

---

Hubert "Huub" Harings (Haersjtraot, 31 jannewarie 1939) is 'ne veurmalige Nederlandse fitserenner.

Huub Harings, 1966

Biografie

Harings waas professioneel fitserenner van 1963 pès 1971. Hae sjtamp oet ein Limburgse fitserennersfemilie en is de awwere broor van Jan en Ger en eine noonk van Peter Harings. Aleër hae eindj 1963 op 24-jaorige laeftied euversjtapde nao de profs hèj hae vief jaor es amateur gereje. Zien sjpecialiteit waas de cyclocross. In 1963 woort hae veur de eësjte keer Nationaal Kampioen in dees discipline. (Ein jaor doaveur woar Hub al de eësjte officieuze kampioen van Nederland). In dat jaor woort dit kampioensjap veur 't eësj verreje en reje de amateurs en de profs eine gezamelike wedsjtried. Hae zouw dit Nationaal Kampioensjap in totaal zes keër winne en in 1964 en 1968 woort hae allebei de keëre tweëde.

Es amateur wón hae in 1959 ein etappe in Olympia’s Tour en in 1961 en 1962 wón hae allebeie keëre de prestigieuze amateurklassieker Romsée-Stavelot-Romsée in de Ardennen, ein terrein wo hae zich biejzunjer good thoes veulde.

Biej de professionals wón hae in 1965 de Tour du Condroz en woort hae in 1966 tweëde in de etappekoersj Paries-Luxemburg. Ouch naom hae 4x deil aan de Runj van Frankriek, wovan hae tweë keër de eindjfinish haolde.
In 1967 en 1968 woort hae allebei de keëre zösde biej 't WK cyclocross.

Belangriekste euverwinninge en eëreplaatsje

1959

• 1e in de 3e etappe deil a Olympia’s Tour

1961

• 1e in Romsée-Stavelot-Romsée

1962

• 1e in Romsée-Stavelot-Romsée
• 3e in de 1e etappe Triptyque Ardennais
• 2e in de 3e etappe Triptyque Ardennais
• 2e in 't eindjklassemènt Triptyque Ardennais
• 1e Elsloo, biej 't officieus Nederlands kampioensjap veldjrieje

1963

• 1e biej 't officieel eësjte Nederlands kampioensjap veldjrieje, elite

1964

• 2e biej 't Nederlands kampioensjap veldjrieje, elite
• 2e in de 2e etappe Runj van Belsj veur ónaafhankelike

1965

• 1e in de Tour de Condroz

1966

• 1e biej 't Nederlands kampioensjap veldjrieje, elite
• 1e in Boom
• 3e in de 3e etappe Parijs-Luxemburg
• 2e in 't eindklassemènt Parijs-Luxemburg

1967

• 1e biej 't Nederlands kampioensjap veldjrieje, elite
• 1e in de cyclocross van Huijbergen
• 3e in de 1e etappe Ronde van Zwitserland
• 2e in de 5e etappe Ronde van Zwitserland

1968

• 2e biej 't Nederlands kampioensjap veldjrieje, elite
• 1e in de cyclocross van Huijbergen
• 1e in de cyclocross van Asse-Krokegem
• 1e in Melsele

1969

• 1e biej 't Nederlands kampioensjap veldjrieje, elite
• 1e in de cyclocross van Huijbergen

1970

• 1e biej 't Nederlands kampioensjap veldjrieje, elite
• 1e in Gemert

1971

• 1e biej 't Nederlands kampioensjap veldjrieje, (elite)

Tourdeilnames

• 1965 - 32e
• 1966 - opgaaf in 6e etappe
• 1967 - 75e
• 1970 - opgaaf in de 2e etappe

Ploge

• 1963-1964 – Wiel’s-Groene Leeuw
• 1964-1965 - Televizier
• 1966-1967 - Televizier-Batavus
• 1968-1969 - Caballero
• 1970 - Caballero-Laurens
• 1971 - Goudsmit-Hoff