De Wèndjraak

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Gelaens, es te dit dialek sjpriks.

---

Oppe Wèndjraak (Nederlands: Windraak) is 'n buurtsjap van Munstergelaen in de gemeinte Zittert-Gelaen in Nederlands Limburg. 't Is gelege op de Wèndjrakerberg tösje Zittert en Oarsjbeek. In 2002 wone d'r 125 luuj. Ouwer name zint: Wintrachen (1595) en Wintraak (1840). 't Gehuch deende es veurbeeld veur plaatsing van ein van de 400 zendmaste in gans Nederland ten behoeve van 'n nuuj communicatiesysteem C2000 veur 't digitaal verkièr tösje politie, brandweer en ambulancezörg. Es protes tege de zendmas woort aan de ingank van 't gehuch 'n plaatsnaambord geplaats mèt de naam Zendraak (2002).

Bezeenswaerdig

• Kloaster van de zuustersj van 't kosbaar Blood.
• Heemtuin van 't I.V.N afd. Munstergelaen, in 't recratiegebeed De Hóndskèrk. Te zeen zint o.m. 500 Soorte plante, boerekrujetuin en ne biejesjtand
• Tegeneuver 't kloaster ies 'n halteplaats ingeriech veur 't Pieterpad, dat door 't plaetske löp.
• Wiengood Wanenberg aan de Botkuilwaeg, sjtamp oet 1999. De wien hèt Wanburger Pinot gris.
• Biologische zuvelboerderie 't Wendjrakerhöfke

Evenemente

• Kèrmes in 'n weekend in mei.