Willem Hofhuizen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Willem Hofhuizen waor 'ne kunssjilder, beeldhouwer en glazenier. Hae woort gebore in Amsterdam op 27 juli 1915, meh verhuusde op jónge laeftied nao Remung, woa hae opgreujde. Willem Hofhuizen waor getrouwd mèt Jos Hagemeijer, die ouch kunstenares waor. Hae sjtorf in Mestreech op 23 december 1986.

Hae sjtudeerde aan de rieksacademie in Amsterdam van 1939-1944 en van 1945-1946 en maakde sjtudiereize nao Egypte, Frankrijk, Italië, Sjpanje en Portugal.

Achtereinvolges woonde hae in Amsterdam 1915, Remung, Nijmege, Amsterdam 1939-1944, Deurne 1944-1945, Amsterdam 1945-1946. Mestreech 1946-1952, Schiermonnikoog 1952-1953, Paries 1960 en Mestreech van 1954 tot 1986.

Sjtiel

Figuratief. Expressionistisch en realistisch. De lien ies belangriek. Hae waor miè teikenaer es sjilder. Biebelse thema's, kruuswaeg, erotiek, landsjappe, sjtilleves, luuj, mythologie en religie.

Werk

Zien oeuvre umvat olieverve, gouaches, tempera's, teikeninge, sgraffito's, fresco's, portrètte en sculpture. Wiejer waor hae recensent veur beeldende kuns bie "De Maasbode" en vieftièn jaor lank docent "cultureel leve" aan de pedagogische academie in Veghel. Willem Hofhuizen maakde de óntwerpe veur de gebrandsjilderde vènstere van de kèrke van Asten (Noord-Brabant) en Houten (Utrech). Hae illustreerde "Les folies Maestrichtoises", gediechte van Pierre Kemp. Ouch maakde hae sjtandbeelde in Mestreech, van Fons Olterdissen (Groete Lurestraot) en "Levesvreugde". Daoneve 'n zeve maeter lang moersjildering "Levesweeg" (1963) veur 't sjtadskentoar.

Exposities

Beeldegroep Olterdissens werk aan de Groete Lurestraot in Mestreech

1946 Mestreech, Het Hooghe Huijs, Dubbeltentoansjtèlling same met Jos Hagemeijer .
1949 Amsterdam, Sjtedelijk Museum, Groepstentoansjtèlling Pro Arte Christiana.
1950 Amsterdam, Sjtedelijk Museum, Vos en Hofhuizen.
1950 Heerle, Raodhoes, Vos en Hofhuizen.
1954 Amsterdam, Sjtedelijk Museum, Groepstentoansjtèlling Zuud-Limburgse kuns.
1956 Mestreech, Kunszale Dejong-Bergers, Groepstentoansjtèlling Schoon Schip, same mèt circa twintig ander Limburgse kunstenaersj.
1957 Mestreech, Kunszale Dejong-Bergers, Solotentoansjtèlling via Sjtichting Beeldende Kuns Tentoansjtèllinge Mestreech.
1957 Sjènne, Hoes Sjènne, Groepstentoansjtèlling same mèt Varpu en Arthur Spronken en Gène Eggen.
1958 Hasselt, Provinciaal Begienhof, Groepstentoansjtèlling Hedendaagse kuns oet Nederlands Limburg in 't Provinciaal Begienhof.
1959 Hoensbroek, Kesjtièl Hoensbroek, Kunscollectie Sjaatsmiene.
1960 Mestreech, Kunszale Dejong-Bergers, Solotentoansjtèlling Pariese parke en ander frivoliteite.
1960 Paries, Galerie Quai aux Fleurs, Reprise van de Mestreechse tentoansjtèlling
1961 Paries, Galerie Transposition, Dubbeltentoansjtèlling same mèt de beeldhouwer Pierre de Grauw.
1962 Mestreech, Kunszalen Dejong-Bergers, Solotentoansjtèlling via Sjtichting Beeldende Kuns Tentoansjtèllinge Mestreech.
1963 Sjeveninge, Euverziechstentoansjtèlling.
1964 Kunst ohne Grenze, Reizende tentoansjtèlling door Belsj, Nederland en Duutsjland.
1967 Amsterdam Galerie Partout.
1969 Mestreech, Bonnefantemuseum, Groepstentoansjtèlling Gode en Heilige in Limburg.
1971 Kuns in Limburg, Reizende tentoansjtèlling door Limburg.
1973 Aoke, Handwerksjtudio Aachen, Groepstentoansjtèlling
1974 Heerle, Galerie De Caumermolen, Dubbeltentoansjtèlling same met Josée Hofhuizen.
1978 Hoensbroek, Cultureel centrum kesjtièl Hoensbroek, Groepstentoansjtèlling.
1980 Mestreech, Galerie Wolfs, Willem Hofhuizen.
1982 Zitterd, Galerie Michel, Solotentoansjtèlling
1983 Remung, Gemeintemuseum, Solotentoansjtèlling.
1984 Mestreech, Bonnefantemuseum, Groepstentoansjtèlling Kuns in Limburg.
1985 Tokio, Miyagi Prefectural Museum, Nederlandse Kunsschildersj.
2009 in 't Museum aan 't Vriethof in Mestreech: euverziechstentoansjtèlling mèt catalogus.

Externe link

http://www.hofhuizen.nl/