Fresco
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
.jpg){kind=link}
E fresco (Italiaans veur "vers") is 'n moer- of plefóngsjiljering, wobie de varf drek oppe nate kalk wuuertj aangebrach, zodet dae domit, nao gedruueg te höbbe, ei gehieël vörmp. 't Wirk mit varf op verse, nate kalk hètj sjiljere al fresco of in fresco; op 'n gedruuegdje kalklaog hètj dit sjiljere a secco of al secco. 'n Tössevorm is mezzo-fresco, wobie de sjiljering wuuertj aangebrach op gedeildjelik gedruuegdje kalk.
Fresco wuuertj dus zowaal gebroek veure sjiljertechniek es veure sjiljering zelf.
De sjiljerterm fresco kump vanne Italiaanse oetdrökking buon fresco ("good vers"), 'nen technischen term dae 't taengeneuvergestèldj is van in secco ("op druueg oppervlakdje"). Caseïen en silicaatvarve zeen hieël gesjik veur al secco te sjiljere. Liemvarve haje minder lang vas.