Philippe-Charles Schmerling
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Philippe-Charles Schmerling (Delft, 2 maart 1790 - Luuk, 7 november 1836) is 'ne dókter en paleontoloog. Schmerling oontdèkde in 1830 in Engis D'r miensj va Engis, dele van e geraemsj die pas 100 jaor later es örsj voonde reste van 'ne Neanderthaler erkènd waoërte. Schmerling wert besjoewd es d'r groondliegker van de paleontologie.
Biografie
bewirkPhilippe-Charles Schmerling waoërt gebaore óp 2 maart 1790 in Delft es zoon van Jan Carel Schmerling, 'ne handelaer uit 's-Hertogenbosch. E sjtudeert in Delft en Leide. Hienao verhuuust e nao Den Haag oeë geet wèrke in 't medisch kabinet van dókter De Riemer. In 1812 sjlaagt e väör 't exame es medisch officier. An 't èng van 1813 begint e zieng carrière in 't Nederlands leger es militaire arts. E wert dan gesjtationeerd in Venlo en dit bies 1816.
In Venlo lieërt Philippe-Charles Schmerling z'n toekomstige vrów Sara Henriette Elisabeth De Douglas kènne. Ze trówwe óp 17 oktober 1821. Kórt hienao verhuust 't kóppel nao Luuk. Ze kriege twieé keender: Jeanne Caroline Elisabeth Lucie, gebaore óp 16 juli 1823 en Louise Anne Henriette, gebaore óp 23 augustus 1825.
In 1822 hervat e zieng sjtudies an de universiteet va Luuk en wert dókter in 1825. Z'ne doctoraatsthesis is getiteld De studii psychologiae in medicina utilitate et necessitate.
Wetensjappeleke oontdèkking
bewirk
In 1829 begoof Schmerling zich nao Engis vör 'n consult bie 'ne sjteenhouwer, in 't dal van de Maas tösje Luuk en Huy. E zoog dat 'ne groep keender mèt knäöek waore an 't sjpäöle. E duidde die knäöek es fossielle va zoogdiere. De jaore daoóp góng e óp oonderzeuk in 'n 60-tal krietgrotte van dae regio.
Schmerling oontdèkde väöl reste va zoegdere die gaar neet in d'r sjtrieëk väörkaome, zoewie van neushoorns, mammoete, baere mae ooch miensjeleke reste tróf e aa in de ègeste laog, oeë oet e aafleide dat 't góng öm fossielle va luuj oet de prehistorie. E oondèkde twieë sjedels in Engis en ene in Engihoul. Twieë daovan zeunt oet 't neolithicum mae Engis2 waoërt later geïdentificeerd is dat van e Neanderthalerkeend.
Schmerling besjrieft zieng vondste in zie belangriekste waerk Recherches sur les ossemens fossiles découverts dans les cavernes de la province de Liège[1] dat wert gepubliceerd in 1833 en hieël väöl illustraties bevat.
Pas in 1836 bevestigde Julien Fraipont dat 't góng öm d'r sjedel van 'ne jónge miensj en achde de typische Neanderthalerkenmerke van minder belang. Oonderwiel waoërte ander reste van d'r Neanderthaler voonde, óp Gibraltar in 1848 mae väöral in 1856 in 't Neandertal, bie Dusseldörp dör d'r wetensjapper en lieërer Johann Carl Fuhlrott. Fuhlrott miengde ooch sjtellig dat 't góng öm fossiel reste va prehistorische luuj, mae gerenomeerde archeologe, zoewie d'r hoesdókter en politicus Rudolf Virchow, sjtèlde vas dat 't góng öm idiotesjedels. Dis lètste vasstèlling haat 't oonderzeuk óp dit terrein vör 10-talle jaore geblokkeerd.
Schmerling bevestigt dat d'r miensj en d'r mamoet in de ègeste laog zeunt voonde, mae oonder druk van de wetensjappeleke blokkaasj e kraeg z'n twiefels över de betekenis van dat verbaand: « Nous doutons fort, sjreef-e que l'éléphant, lors de l'époque du remplissage de nos cavernes, habitât nos contrées. Au contraire, nous croyons plutôt que ces restes ont été amenés de loin, ou bien que ces débris ont été déplacés d'un terrain plus ancien et ont été entraînés dans les cavernes.» Ooch zów e zoegezag de vergissing van Georges Cuvier make, dae neet geleufde dat in d'r tied van de mamoete ooch al luuj laefde.
Bibliografie
bewirk- SCHMERLING P.-C. - 1825 de studii psychologiae in medicina utilitate et necessitate, Université de Liège, thèse de doctorat.
- SCHMERLING P.-C. - 1831 Cavernes à ossemens fossiles, découvertes jusqu'à ce jour dans la province de Liége, in VANDER MAELEN P., Dictionnaire géographique de la province de Liége, Bruxelles, Appendice, p. 3-7.
- SCHMERLING P.-C. - 1832 Quelques observations sur la teinture de coichique, et principalement sur son emploi dans les affections arthritiques et rdamatismales, Liège, P. ]. Collardin, 64 p.
- SCHMERLING P.-C. - 1833a Ueber die Knochenhohien bei Luttich, Neues Jabrbuch flir Mineralogie, Geognosie, Geclogie und Petrefaktenkunde, 1: 38-48, taf. II.
- SCHMERLING P.-C. - 1833b Sur les cavernes à ossemens de la province de Liége, Bull. Soc. géol. France, 3: 217-222.
- SCHMERLING P.-C. - 1833-34 Recherches sur les ossemens fossiles découverts dans les cavernes de la province de Liége, Liège, P. J. Collardin, 2 vol., 167 et 195 p.; un atlas in f°, 34 et 4G pl.
- SCHMERLING P.-C. - 1835a Sur une caverne à ossemens de la province de Luxembourg, Bull. Aca. roy. Sc. & B.-L. Bruxelles, 2 (8): 271-275.
- SCHMERLING P.-C. - 1835b Mémoire sur les ossemens fossiles à l'état pathologique, recueillis dans les cavernes de la province de Liége, Bull. Aca. roy. Sc. & B.-L. Bruxelles, 2 (10): 362-364.
- SCHMERLING P.-C. - 1835c Description des ossemens fossiles à I'état pathologique, provenant des cavernes de la province de Liége, Bull. Soc. géol. France, 7: 51-61.
- SCHMERLING P.-C. - 1836 Notice sur quelques os de pachydermes, découverts dans le terrain meuble près du village de Chokier, Bull. Aca. roy. Sc. & B.-L. Bruxelles, 3 (le série): 82-87.
Referenties
bewirk- M. Toussaint - Les hommes fossiles en Wallonie - De Philippe-Charles Schmerling à Julien Fraipont, l'émergence de la paléoanthropologie, Carnets du patrimoine n° 33, Ministère de la Région wallonne (2001).