Ottersjaermuus

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De ottersjaermuus (Letien: Potamogalinae) vörmen 'n klein óngerfemielje bestäöndje oet drie saorte. Ze zien klein semiaquatische zougdere die in revere laeven en make deil oet vanne tenrekfemielje die inheimsj is in Afrika t'n zuje vanne Sahara. Alle ottersjaermuus zeen vleisaeters en jagen op alderhenj aan waterbieësjkes die ze kónne vinje mit häör gevuuelige snorhaore. Ze geliekene de otters sterk, mer oppervlekkig. Ze bewaege zich veurt door 't water door häöre zwans van links nao rechs te golve, juus wie krókkedille doon.

Taxonomie

• Riek: Animalia (dere)
  • Stam: Chordata (chordabieëster)
    • Klas: Mammalia (zougdere)
      • Klaad: Eutheria (echte bieëster)
        • Infraklas: Placentalia (moderkookbieëster)
          • Magnorde: Afrotheria
            • Superorde: Afroinsectiphilia
              • Orde: Afrosoricida (tenrekechtige)
                • Femielje: Tenrecidae (tenreks)
                  • Óngerfemielje: Potamogalinae (ottersjaermuus)

Indeiling

De ottersjaermuus waere wiejer es volg ingedeildj:

• Óngerfemielje: Ottersjaermuus (Potamogalinae)
  • Geslech: Dwergottersjaermuus (Micropotamogale)
    • Nimba-ottersjaermoes (Micropotamogale lamottei)
    • Ruwenzoriottersjaermoes (Micropotamogale ruwenzorii)
  • Geslech: Potamogale
    • Groeaten ottersjaermoes (Potamogale velox)