Maert

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Maert is e waoërd mèt versjillende betekenisse. Maert (economie) is 'n begrip in de economische weitesjap en 'n benaming vör 'n bepaald saoërt handel in de boeteloch. Dit artikel gèèt övver dis lètste betekenis.

'ne Maert, Latien Mercatus dat maert en handel betekent, is 'n vörm va sjtraothandel, mae dan in 'ne aander vörm es wie venters of krieëmers, die va hoes nao hoes trèkke öm hun waar te verkope. 'n Maert vindt plaatsj op 'n vaste plaatsj en 'ne vast tied.

Mètstens is 'ne maert 'n algemene maert oeë zoewaal voedingsmiddele es aander verbroeksartikele verkoch werre. 'ne Groeëte maert is ingedeeld in 'n deel oeë greunte, visj, sjtrieëkproducte, sjtoffe en ander waar aangebaoje werre.

Jaormaerte

Zitterd: Sint-Joepmaert op 19 maart
Gulpe: Sint-Hubertusmaert op 3 november
Aubel: Sint-Hubertusmaert roond 3 november

Waeëkemaerte

Mestreech: vriedèg, Euregio
Gulpe: dónderdèg, regionaal
Visè: gónsdèg, regionaal
Aubel: zoondèg, Euregio sjtrieëkproducte
Luuk: zoondèg, Euregio
Kelmis: dónderdèg, regionaal

Kaeërsjmaert

Valkebaerg: in december in de gemèndegrot, Benelux
Kanne: in december in de mergelgrotte, regionaal
Kölle: in november en december, Europees

Vriemaert

Op Könninginnedaag op 30 april zeunt övveraal vriemaerte. Eederèè maog dan op 'n bepaalde plaatsj, zoonder sjtaandgaeld te motte betale, z'n sjpölle verkope.

De volgende sectie van dit artikel is gesjreve in 't Mofers.

Stieëds minder merte

Duk is d'r geine mert mieë in kleine dörper. Meistal kömp dit door de koms van 'ne supermert. Duks kömp d'r waal weer 'ne kleine waekmert in dörper wo d'r geine supermert mieë is. Zoewie in Noorbaek en Sint Geertruuj.

Wiktionair

Zeuk de definitie, vertalinge, oetsjpraok en dialekvariante van mert op in de Wiktionair.