Lin (Belsj)

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Bilzers, es te dit dialek sjpriks.

---

Lin (Nederlands: Martenslinden) is e dörp in de provincie Belsj Limbörg en 'n deilgemeinte vaan de stad Bilzen. In 1970 had de toenmaolege gemeinte 666 inwoeners.

Maartenskèrk in Lin

Historie

Vaanajds hóng Lin aof vaan Minster en vaan Bilze. Pas oonder Frans bewind woort 't 'n zelfstendege gemeinte. In 1977 woort 't weer samegeveug mèt Bilze.

Beziensweerdeghede

De Martinuskèrk (foto) is gooddeils neogotisch, meh 't koer is veertiendeniews. De middebeuk stamp oet 1892 (mèt 't örgel vaan Pereboom & Leijser oet Mestreech), de zijbeuke oet 1934. Beziensweerdeg zien wijer 't Willerpark (deils op groondgebeed vaan Willer) en 't aajd raodhoes oet 1878, wat in 2006 mèt nuibouw vereineg woort tot 't nui basissjaolgebouw. 't Aajd Annekapelke aon de Linnerveldstraot is herbouwd in 1889.