Willer

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Bilzers, es te dit dialek sjpriks.

---

Willer (Nederlands Waltwilder) is e dörp in de provincie Belsj Limbörg en 'n deilgemeinte vaan de stad Bilze. Willer is 't ierste dörp wat me vaanoet Bilze in oosteleke riechting, aon de Mestreechterstraotweeg (N2), tegekump. Tot Willer huurt ouch 't gehuch Amelsdèrp.

Remigiuskèrk in Willer.

Historie

In daan wel bij Willer is oonder mie 'ne Gallo-Romeinsen tumulus gevoonde, zoewie (in Amelsdèrp) ouch reste vaan Frankische bewoening. De ierste verneuming vaan Wilre steit in 'n sjinkingsakte vaan 1096, boe-in Ida vaan Verdun 't in lien gief aon de abdij vaan Minster. De touwveuging wald- ('bos') is later debij gedoon um 't te oondersjeie vaan Wolder, vreuger ouch Wilder/Wilre geneump. In de Fransen tied waore zoewel Willer es Amelsdèrp zelfstendege gemeintes; tenao woort Amelsdèrp weer bij Willer geveug. In 1977 kaom Willer bij Bilze.