Dit artikel geit euver 't Belsj-Limbörgs dörp. Veur aander plaotse (in Nederland) mèt deze naom zuug Hees (verdudeliking).

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Bilzers, es te dit dialek sjpriks.

Hees is e dörp en 'n deilgemeinte in de provincie Belsj Limbörg, stad Bilze, mèt per 1 jannewarie 2006 772 inwoeners en 'n oppervlaakde vaan 3,72 km². 't Ligk gans in 't ooste vaan 't Bilzer stadsgebeed, zoe'n twie kilometer westelek vaan Kessel. Hees is boete e landbouwdörp ouch e forenzedörp, boe väöl Nederlanders woene.

Torie vaan de Aw Kèrk (Quintinuskèrk) in Hees

HistorieBewirk

Hees, veur 't iers geneump in 965, hoort al vreug tot de èlf benk vaan Sintervaos. In de veertiende en vieftienden iew waore de hertoge vaan Braobant besjermhiere vaan 't dörp. In 1785 woort Hees aon de Rippubliek vaan de Zeve Vereinegde Nederlen touwgeweze, die 't bij Staots-Braobant veugde. Juridisch veel Hees oonder de sjepebaank vaan Vlèètege. Kèrkelek gezeen maakde Hees tot 1842 deil oet vaan de parochie Vlèètege.

Tot 1970 waor Hees 'n zelfstendege gemeinte; dat jaor woort ze bij Móppertinge heringedeild. Dees lèste gemeinte woort in 1977 zelf weer opgeheve en aon Bilze touwgeveug.

BeziensweerdeghedeBewirk

De aw neogotische dörpskèrk, gebouwd in 1850, is in d'n twintegsten iew um constructiefoute ingevalle; de euvergebleve mör zien intösse besjermp. Ouch d'n daartiendeniewse gotischen torie steit nog. De umgeving vaan de aw kèrk, mèt oonder mie de pastorij en 't veurmaoleg raodhoes zien sinds 1996 besjermp dörpsgeziech. In 't dörp vint me wijer nog e paar achtienden-iewse veerkantshäöf.

 
Gemeinte Bilze
 
Deilgemeintes, dörper en gehuchte: Bilze · Bjöves · Groeëte-Spaan · Hees · Hùlbek · Ieëgebilze · Kleine-Spaan · Lin · Minster · Móppertinge · Rèkkeve · Rosmeer · Willer
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hees&oldid=405392"