Kyriakos Mitsotakis

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Kyriakos Mitsotakis tijes 't EVP-congres in Zagreb (2019).

Kyriakos Mitsotakis[1] of Kyriákos Mitsotákis[2] (Nuigrieks: Κυριάκος Μητσοτάκης; 4 miert 1968 te Athene) is 'ne Griekse polletiekus en sinds 8 juli 2019 d'n allewijle premier vaan de Hellinistische Rippebliek (ofwel: Griekeland). Heer naom 't premiersjap euver vaan de wiedlinkse Alexis Tsipra. Heer is sinds 2016 al de veurzitter vaan zien polletieke partij, Nui Democratie (Nea Demokratia) - die op 't niveau vaan de Europese Unie (EU) deil oetmaak vaan de centrumrechse Europese Volkspartij (de EVP; boe ouch bijhure de Nederlandse CDA en CU, de Belzje CD&V en cdH en de Duitse CDU en CSU). Mitsotakis is premier oonder 't prizzedentsjap vaan Katerina Sakellaropoulou - d'n ierste vrouweleke prizzedent vaan 't land.

Op 10 jannewarie 2016 woor Mitsotakis verkoze es de veurzutter vaan Nui Democratie (Nea Demokratia, ND), wat gebäörde in de konteks vaan de partij häör zwoer verlees in d'n tied tot de extreemlinkse Syriza vaan 2015 bis 2019 regierde euver Griekeland en ND ziech opins moos sjikke tot 'n besjeie positie in de oppositie (get wat de ND neet waor geweend).

De ND is oonder Mitsotakis 'n strenge hawwing nao migrante touw gaon aonnömme. Zoe is de regiering vaan häöm groet veurstendersjap vaan 't aonsjerpe vaan 't Europees migratiesysteem en 't dao-oet veurtzèttend Frontex. Ouch op aander gebede is Mitsotakis veurstender vaan wijer Europees integratie, wie op 't gebeed vaan veilegheid, boetelandse affaires en d'n Euro. Wijers steit zien regiering bekind um häör veurstendersjap vaan 'n zuinege polletiek, boebij 't argumint dèks is tot dit de belasting umlieg brink, daomèt de drök op wèrkers aofnömp en daomèt de Griekse ikkenomie aontrèkkeleker weurt. De ND is oonder Mitsotakis op väöl terreine veraanderd mer neet op cultureel-conservatief gebeed: zoe blijf Mitsotakis 'nen tegenstender vaan 't legalisere vaan 't homohouwelek in Griekeland.[3]


Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
Charles Michel, President vaan d'n Europese Raod (gein sjtömrech), Ursula von der Leyen, President vaan de Europees Kemissie (gein sjtömrech)
Belsj: De Croo (RH) | Bulgarieë: Denkov (RH) | Cyprus: Christodoulides (SH) | Daenemarke: Frederiksen (RH) | Duutsjlandj: Scholz (RH) | Eslandj: Kallas (RH) | Finlandj: Orpo (RH) | Frankriek: Macron (SH) | Griekelandj: Mitsotakis (RH) | Hongarieë: Orbán (RH) | Ierlandj: Varadkar (RH) | Italië: Meloni (RH) | Kroatië: Plenković (RH) | Letlandj: Kariņš (RH) | Litouwe: Nausėda (SH) | Luxembörg: Frieden (RH) | Malta: Abela (RH) | Nederlandj: Rutte (RH) | Oesteriek: Nehammer (RH) | Pole: Tusk (RH) | Portugal: Costa (RH) | Roemenië: Iohannis (SH) | Sjlowakieë: Fico (RH) | Sjlovenië: Golob (RH) | Sjpaanje: Sánchez (RH) | Tsjechië: Fiala (RH) | Zjwaeje: Kristersson (RH)

Rifferenties bewirk

  1. Nederlandse, Duitse en Ingelse vertaoling
  2. Franse vertaoling
  3. EUANDI 2019
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kyriakos_Mitsotakis&oldid=455025"