Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Petteri Orpo in 2023

Petteri Orpo (3 november 1969) is 'ne Finse polletieker, d'n allewijl premier vaan Finland sinds 2023 en d'n allewijle leier vaan de conservatieve polletieke partij Nationaol Coalitiepartij sinds 2016 (die, wie 't Nederlands CDA, de Vlaomse CD&V en de Pruuse CDU, deil oetmaak vaan de EVP). Heer waor veur gans korten tied spreker vaan 't Parlemint vaan Finland nao de parlemintaire verkezinge in 2023.

Heer waor vice-primier vaan 2017 bis 2019, minister vaan financies vaan 2016 bis 2019, minister vaan interne affaires vaan 2015 bis 2016 en minister vaan agricultuur en bös vaan 2014 bis 2015. Orpo zien partij won op 2 aprèl 2023 20,8% vaan de stömme, dus 48 zetele.

Orpo zien kabbinèt maak groete stappe in bezuiginge vaan sociaol oetgaves in Finland van 6 mieljaar euro. Orpo stèlt tot de Finland dreig in 'n "sjöldecrisis" terech te komme (allewijl 74% vaan 't BNP). Wijer weurt Orpo zien regeringsperiood gekènmerk door strengere ristricties op neet-Europese migratie en groete steun veur Oekraïne in de Russisch-Oekraïense oorlog en Israël in de Israël-Hamas oorlog.

Orpo ziene veurgenger waor premier Sanna Marin (Sociaoldemocratische Partij vaan Finland).



Polletieke leiers in d'n Europese Raod: regeringshoufde (RH) of sjtaotshoufde (SH) van de lidjstaote van de Europese Unie
Charles Michel, President vaan d'n Europese Raod (gein sjtömrech), Ursula von der Leyen, President vaan de Europees Kemissie (gein sjtömrech)
Belsj: De Croo (RH) | Bulgarieë: Glavchev (RH) | Cyprus: Christodoulides (SH) | Daenemarke: Frederiksen (RH) | Duutsjlandj: Scholz (RH) | Eslandj: Kallas (RH) | Finlandj: Orpo (RH) | Frankriek: Macron (SH) | Griekelandj: Mitsotakis (RH) | Hongarieë: Orbán (RH) | Ierlandj: Harris (RH) | Italië: Meloni (RH) | Kroatië: Plenković (RH) | Letlandj: Siliņa (RH) | Litouwe: Nausėda (SH) | Luxembörg: Frieden (RH) | Malta: Abela (RH) | Nederlandj: Rutte (RH) | Oesteriek: Nehammer (RH) | Pole: Tusk (RH) | Portugal: Montenegro (RH) | Roemenië: Iohannis (SH) | Sjlowakieë: Fico (RH) | Sjlovenië: Golob (RH) | Sjpaanje: Sánchez (RH) | Tsjechië: Fiala (RH) | Zjwaeje: Kristersson (RH)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Petteri_Orpo&oldid=462526"