Kerke

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Kerkener, es te dit dialek sjpriks.

---

Kerke of Kerreke (Duutsj: Karken) is e dörp inne gemèndje Hinsberg in 't Kreis Hinsberg, Naordrien-Wèsfale. 't Dörp haet róndje 3500 inwoeaners. 't Ligk tösse Postert (Nederlandj), Kempe, Ophaove, Haren en Werlo (richting Kirkevin) in. 't Dörp ligk gans in e daal vanne naordoeastelik óm 't dörp gäöndje Roer; 't guuef neet väöl huuegdjeversjille. 't Lieëgste puntj mit 28 maeter baove zieëniveau bevindj zich naordelik van 't breid oetgesprèdje dörp ane Nederlandjse grens.

De kirk van Kerke.

't Landjsjap róndj Kerke wuuerdj gekènmirk door landjboew, mer ouch wateren en houtwel.

Gesjiechte

Inkel vónjsten oete steintied aevenes taalrieke oeten iezertied, meistes graafvónjste, wiezen op 'n aanwaezigheid van miensen in 't gebied van 't dörp taengen 't ènj vanne prehistorie.

Aan 't ènj vannen twellefdjen ieëf zeen de Hieëre van Kerreke in 'n oearkónj vermeldj. Eine Giselbertus von Kerreke noom in 1198 deil ane kroeaning van Otto IV van Braunschweig toet Roeams-Duutsje keuning. In 1317 verkóch Cäcilie von Kerreke t'n slotte zien Kerkener geujer aansloetendj aan 't gerichsbesloet vanne Hieëre van Hinsberg.

In 1591 vereuverdje Spaanse troepen 'n aafslechting vanne nao de parochiekirk gevlöchte inwoeaners van 't dörp. Hie-aan herinjertj huuj nag e kruuts ane Kerkenermeule.

Op 1 januari 1972 woort de gemèndje Kerke (wo ouch Kempe biehuuerdje) samegeveug mit Hinsberg.