Kerkener
- Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Kerkener, es te dit dialek sjpriks.
't Kerkener is 't (Oeas-Limbörgs-)Ripuarisch-Limbörgs euvergangsdialek zoeawie det wuuertj gespraoken in Kerke, Kempe enne gehuchte inne ómgaeving.
't Kerkener wiek weinig aaf vanne anger dialekte inne ómgaeving, wie beveurbeildj 't dialek van Hinsberg en in minder maot 't Wasseberger. 't Haet al tupisch Ripuarisch-echtige kènmirke die me neet vindj in plaatse wie Effeld, Vuch en de Zelfkantj. Vergeliek 't volgendje zinke:
Ouch de wirkwaordsverveuging liek hieël väöl oppe Ripuarische vorm, mit vörm wie èch han, v'r jont en zare in plaats van ich höb, v'r gaon en zègke. Al sjientj me in 't vergangene waal 't wäördje zègke te höbbe gebroek in Kerke.
Wiejer vertuuentj 't Kerkener tupisch oeastelik kinmèrke in wäörd wie teller in plaats van teier (Posters) en ouch in 't vocabulair: essig in plaats van aek. 't Dialek traditioneel haet väöl euvereinkómste mit 't grensdialek 't Posters. Zoea ligke beie dialekte in 't naordoeastelik gebied wo me oeëlik zaet in plaats van ooj of un. In bei dörper gebroek me 't tupisch Roerstreek-wäördje wègk veur witbroead.
'n Anger kènmirk is 't monoftongere van 't aad cluster -ol-, wie in hòòt in plaats van hout/holt. Dit contrasteertj mitte monoftongering van 't cluster -al-, wie in aod, in plaats van aud/ald.
't Kerkener kèntj t-deletie, juus wie de meiste Ripuarisch-Limbörgse dialekte inne ómgaeving.
Brónne
bewirk- Cornips, Leonie. "The spread of the reflexive adjunct middle in the Limburg dialects." (1996).
- Cornelissen, Georg. "De dialecten in de Duits-Nederlandse Roerstreek-grensdialectologisch bekeken." Lexicale, morfologische en taalsociologische verkenning in het Posterholts en Karkens. Hasselt (1995).