Johann Joseph Couven
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Johann Joseph Couven, 10 november 1701, Aoke - 1763 Aoke, waor 'ne Duutsje barokarchitekt en boewhieër. Z'n waerkgebied bevoond zich in d'r driejhook Aoke, Mestreech, Luuk. Z'n familie hoosj oorsjpronkelek Couves en sjtamde va Klaerment. Z'ne zoon Jakob Couven trooj in z'n voetsjpore.
J.J. Couven haat an 't begin van z'n loopbaan, oonder d'r Duutsje architekt J.C. Schlaun mètgewèrkt an d'r boew van 't kloeëster va Wittem en kasjtieël Neubourg in Gulpe.
De boewwaerke va J.J. Couven zeunt oonmiskenbaar barok, mae mèt 'ne èège interpretatie van de feesteleke oetsjtraling die d'r barok èège is. Couvens barok is synthetisch, röstèg, gerund en vrie in vörm. De heuk zeunt gerund, zoewie ooch de veenstere en däöre, die of neige nao opgoeë, of opgeunt in 'n gèvvelversering. De architectuur is nao baove gericht dör de vertikaal belijning, symetrisch en get gezjwolle. De boewwaerke zeunt in harmonie mèt de lich oetsjpringende ovaalvörmige ornamaente en verboonde mèt de umgaeving d.m.v. trappe of aander gerunde verbindende boewwaerke. De lich gerunde veentere en däöre haant dèk d'r èègeste baog, zoewie ooch väöroetsjpringende ovale, dèk op de èègeste plaatsje gebraoëke, ornamaente en verbindinge. J.J. Couven makde väöl gebroek va blowwe sjtèè.
J.J. Couven kreeg opdrachte va gèseleke, zoewie d'r preenbisjop va Luuk Jan Theodoor van Beieren en de abdisse va Abdij va Sinnich, Abdij Burtscheid en Kloeëster Munsterbilze, d'r abt va Rolduc en boewde kèrke en kloeësters. Väör d'r adel en patriciërs boewde e kasjtieële en hieërehoezer. E oontworp ooch altare en aander klènger boewwaerke.
Waerk in d'r Euregio Maas-Rien
bewirk
- Pachhaof bie Chateau Sint-Gerlach (noe hotel), in Houtem, Valkeberg
- Lutherse kèrk De Copermolen, Vols
- Manufactuur Clermont, Vols
- Groeëte invloed bie wederopboew va kesjtëël Erenstein, Kèrkrao
- Haof Rolduc, Kèrkrao
- Praeksjtool St. Theresiakèrk in Aoke
- Kloeësterkèrk St. Johann, Abdij Burtscheid, Aoke
- Parochiekèrk St. Michael, Burtscheid, Aoke
- Paviljoen Kuurpark, Burtscheid, Aoke
- Good Kalkofen, Aoke
- Hoes Heusch, Aoke
- Annakèrk, Aoke
- Raadhoes, Dusseldörp
- Kasjtieël Jägerhof, Dusseldörp
- Froontgèvvel Abdij va Sinnich, Teuve, Voere
- Kloeëster Munsterbilze, Bilze
- Hôtel d'Asembourg, noe museum d'Asembourg, Luuk
- Grand Ry, zaeëtel van de Duutsjtalige Gemeensjap, Eupe
- Hoes Nispert, Eupe
- Hoes Vercken, Eupe
- Hoes Signon, Eupe
- Hoofdaltaar Nikolauskèrk (1744), Eupe
- Hoofdaltaar van de kèrk va Kettenis, Eupe
