Abdij Burtscheid

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Abdij Burtscheid is in 992 gesjticht es Benedictijnerkloeëster. In 1220 wert 't kloeëster övergenaome däör de Cisterciënzerinne va Salvatorberg oet Aoke. Burtscheid waor ooch daoväör al bewónd. De waermwaterbronne, mèt 'n temperatuur tösje 27°C en 74°C, zeunt de wermste va gaans Europa.

In 1736 kriet architekt Johann Joseph Couven opdrach va abdis von Renesse en later adbis von Woestenrath um de kèrk te verboewe en vergroeëte. Mèt 'n ónderbraeëking in de boewwaerke va ènnige jaore, kieëm de kèrk in 1754 vaeërdèg. Typisch Couven is d'r 8-heukège barokke koepel (rechs op 't plaetsje te zieë).

In 1802 waoërte de geboewe verkóch en d'r abdij ópgehaeve.

In 1944 waoërt de kèrk en d'r abdij getróffe däör 'n bómbardemaent en gaans verwoest. In 1960 is 't complex wer ópgeboewd.