Frankfurter Schule

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

De Frankfurter Schule is in de jaore 30 oontsjtande en wert gevurmd dör 'ne groep geaongazjeerde wetensjappers die zich inzitte väör de praktische filosofie. Ze zitte zich aaf taege de zoe-geneumde waerd-vriej objectief wetensjap van 't logisch positivisme. 't Haat neet zoeget es wie objectief kinnis. Kinnis is ummer gekleurd dör d'r achtergroond en de ideeje van d'r kinner eeges. En daobie: kinnis is laeg zoonder gebruuk van de inzichte in de praktijk, zoonder toepassing dus.

Fase 1: Oondogmatisch marxistisch.

Ze vervonge ideeje va Marx dör eege theorieje. D'r basis van 't ideejegood bleef de gedachte van de gesjiedenis es dialectische väöroetgaanksbewaeging mit es eindpunt de revolutie van de wirkluuj en de dao-op volgende ideale maatsjappiej.

Fase 2: Optimisme makt plaatsj väör pessimisme

Marxisme makt plaatsj väör nuuj maatsjappiej-theorie. Gesjiedenis wert nog ummer aanzieë es sjtrijd, mae noe zoonder väöroetzichte.

Fase 3: Lètste fase mèt Jürgen Habermas

Jürgen Habermas geluft wer in de revolutie mae neet van de wirkluuj mae van de raandgroepe wie zjwervers, werkloze en sjtudaente. Habermas oontwikkelt 'n eege maatsjappiejtheorie: de theorie van 't communicatief handele. Geïnspireert dör Max Weber boewt Habermas een theorie uvver de gesjiedenis es oontwikkeling van de rationalitèèt.

't Konsept woeërhèèd

Es ursjte gift Habermas 'n nuuj definitie an 't begrip woeërhèèd. E haat 'n methode bedach um tut 'n sociaal en 'n polletieke woeërhèèd te kaome. Dus nèèt 'n wetensjappeleke. (Zuug daoväör: bieväörbeeld Karl Popper) Woeërhèèd is neet objectief kènnis mae woeërhèèd wert gedefinieërd dör consensus.

Habermas baseert z'n definitie va rationalitèèt op de zgn speech-acts.

't Haat driej vorme van sjpraakuutinge:

• constateringe;
• regulerende sjpraak;
• expressieve sjpraak.

Alle oetsjprake motte in 'n aoëpe discussie of 'n discours zoe lang bediscussieërd werre bies 'ne consenses bereikt is. Dae consenses is da de woeërhèèd. Pas es woeërhèèd en rationalitèèt uvveraal besjtèèt kint 'n fair maatsjappiej oontsjtoeë. Dit idee ligkt och an d'r basis va Wikipedia.

Kiek ooch Cultureel antropologie