Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Max Weber (1894)

Max Weber (Erfurt, Thüringen 21 april 1864 bis 14 juni 1920 te München, Beiere) waor 'nen Thüringer ikkenoom, politicus en veural socioloog. Heer weurt gezeen es eine vaan de klassiekers vaan de sociologie es weitesjap. Weber perbeerde de in deen tied neet serieusgenomme sociale weitesjappe op serieus, weitesjappelek menier oeteintezitte. Heer oonderzeukte hun methodiek en classificierde de versjillenede tereine. Zie systeem weurt nog ummertouw groetsdeils gebruuk. Heer reep de sociologische doelindes oet es rationele groondlaoge, get unieks in zienen tied. Heer zètte in zie wèrk exacte oondersjeijinge oet. Ervaring en empirisme betaome bis zien manier vaan wirke. Belaangrijk oondersjeid dat Weber maak is tot 't e groet oerzakelek versjil gief tösse natuurweitesjappe en sociale weitesjappe. Bij natuurweitesjappe (exakde weitesjap) mót me altied oetgaon vaan ein oerzaak, dewijl me in de sociale weitesjappe (neet-exakde weitesjap) zjus d'r vaanoet mót gaon tot 't ummertouw mie es ein oerzaak gief. Allewel zien empirische meneer vaan wirke väöl overein heet mèt 't positivisme, had Weber 'n väöl skeptischere blik es positiviste wie Auguste Comte. Heer voond tot 't hoeg tied woort um de zoegenaomde irrationele weitesjappe serieus te gaon nömme, wilde v'r neet in 'n weitesjappeleke dystopia terech komme. Mèt dees nuie en unieke skeptische blik op de weitesjap, beïnvlooide heer lui wiet boete de weitesjap en woort 't e dèks trökkommende filosofie in de köns. Me zeet tot John Keats d'n ierste sjriever waor dee wijer ingóng op dees dystopische touwkomsbeelde vaan de weitesjap mer zelfs wiet bis de late 20e en zelfs 21e iew beïnvloojde Weber de köns en mèt naome de cinema (Frankenstein, Dr. Strangelove en The Matrix zien inkele Californische films die hendeg woorte beïnvloojd door Webers sociologie en skeptisme.

Brónne bewirk

  • Peter J. Bowler and Iwan Rhys Morus, Making Modern Science. A Historical Survey (Chicago: The University of Chicago Press, 2005)
  • Eduard Baumgarten, Max Weber. Werk und Person. (Tübingen, 1964)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Max_Weber&oldid=460869"