Beeg

Dit artikel is gesjreve (of begós) in 't Beegs. Laes hie wie v'r mit de versjillende saorte Limburgs ómgaon.

---

Beeg (Grevenbicht) Gewaeze gemeinte in Nederlandj
Gevörmp	?
Opgehaeve	1982
Opgegange in	Bor
Provincie	Nederlands Limbörg
Hoofplaats	Beeg
Opperflaakde (bie opluffing)	3,59 km²
– daovan water:	0,28 km²
Inwoeners (kort veur opluffing)	2.495 (1971)
– deechde:	694/km²
Lies van börgemeisters

't Nuuj dialekbord wurt gemonteerd

(d'r bestuit väöl verwarring äöver de richtige spelling van de dörpsnaam in 't dialek. Nao jäörelang gevreigel is oeteindelik beslaote väör de benaming "Beeg" te gaon, in plaats van Beech. In ein enquete die woor verspreid in 't Beegse door de dörpsraod, reageerde van de 950 hoeshouwes, 332 mit de richtige benaming "Beeg", sjus eine leverde zien formulier blanco in.)

Beeg (Nederlands: Grevenbicht) is ein dörp in de gemeinte Zittert-Gelaen in Nederlands Limburg. Tot 1982 waor 't 'n zelfsjtenjige gemeinte. De Belzje buurtsjap Booyen huèrde toen ouch bie Beeg. Same mèt Obbeeg, Papenhaove en Sjipperskèrk lik Beeg op ein eilandje tösje de Maas en 't Julianakanaal. 't Dörp haet in 2002: 2700 inweunersj. De naam Beeg beteikent umheind terrein. 't Veurvoogsel Greven in de Nederlandse naam wies nao de graaf (van Gulik).

Verwelkoming in t Beegse, vanoet 't Belsj

Vanoet Beeg veurt 't Vaerke, allein veur luuj te voot of mèt de fiets, de Maas euver. Aanlèkplaats in Belsj is Rotem.

'ne Bekinden troebadeur oet Beeg is Sjel Savelkoul.

Kerne

• Beeg (Grevenbicht)
• Papenhaove (Papenhoven)
• Sjipperskirk (Schipperskerk)

Bezeenswaerdig

• Katholieke kirk oet de 19e ieëw, gewiejd aan de heilige Ketrien (Catharina). Dit is ouch de parochiekirk van Papenhaove.
• Hervormde kirk geboewd in 1851
• Veurmalige synagoge veur de Judse gemeinte oet 1818. In 1966 is dit geboew ingriepend gerestaureerd, naodat 't interieur al gesjloop waor.
• Judse begraafplaats op 'ne, vermoedelik, ouwe Romeinse graafheuvel. Deze is in gebroek genómme in 1803.
• De Kingbaekmeule is 'n watermeule op de Kingbaek vlak bie de Grensmaas woa 't vaerke 'n euversjteek maak nao 't Belsj.

Dörpsvereiniginge

• Folkoristische vereiniging de Gawstrèkkersj.

Zie organisere mèt de Vastelaovend op vastelaovesdeensig 't Gawstrèkke. De winnaer wurt Gawzekäöning van Beeg.

• Heemkundevereiniging Bicht
• Hermenie St. Cecilia
• Käöninklijke hermenie Aurora
• Vastelaovesvereiniging De Zawpense
• VV Armada

Waope

---

De volgende sectie van dit artikel is gesjreve in 't Mestreechs.

---

De gemeinte Beeg kraog op 2 juli 1870 vaan d'n Hoege Raod vaan Adel e waope touwgekind:

Vaan lazuur (blauw) belaoje mèt 'n kapel mèt drei gedèkde tories, alles vaan zèlver (wit).

Dit waope is oontliend aon 't awwer sjepedomswaope.

Historische inwoeënertalle

Jaor Aantal Greuj (gans Limbörg) 1830 952 -- 1840 909 -4,5% (+5,6%) 1849 1.010 +11,1% (+4,3%) 1859 1.064 +5,3% (+4,4%) 1869 1.025 -3,7% (+4,5%) 1879 1.078 +1,3% (+7,0%) 1889 1.107 +2,7% (+6,8%) 1899 1.183 +6,9% (+10,2%)

Jaor Aantal Greuj (gans Limbörg) 1909 1.228 +3,8% (+17,8%) 1920 1.305 +6,3% (+32,6%) 1930 1.496 +14,6% (+25,1%) 1947 2.147 +43,5% (+24,2%) 1956 2.389 +11,3% (+27,3%) 1960 2.439 +2,1% (+7,4%) 1971 2.495 +2,3% (+13,9%)

Opmerking

• 't Getal veur 1971 is op ganse vieftalle aafgeróndj. Gelèt op 't klein aantal inwoeëners van Beeg kèn daorum 't greujciefer neet exak kloppe.

Rillatief óntwikkeling vaan 1830 tot 1971

(v₁₈₃₀=100)

Greun: Gemeinte Beeg
Blauw: Provincie Limbörg

Beegs

Väör de officieuze spellingswies: Beegs, dörpssite Beeg.nl

Links

• De dörpssite Beeg.nl
• Allerlei films euver Beeg, gemaak door Wally
• Fotos uit de oude doos